1 ‘Ia ‘outou fetaufetulia‘i i ala o Ierusalema, ma ‘ia va‘ava‘ai,ma ia iloa ma ‘ia ‘outou sā‘ili‘ili i ona malae,pe tou te maua ai se tagata.Pe ai se tasi ‘ua ia faia le mea tonu,ma ‘ua taumafai ‘ina ‘ia fa‘amaoni,‘ona ‘ou fa‘amāgaloina ai lea o le ‘a‘ai.
2 E ui lava ‘ina ‘ua latou fa‘apea mai,“O lo‘o soifua le ALI‘I;” a ‘ua latou tautō pepelo lava.
3 Le ALI‘I e, e lē silasila ‘ea ou fofoga i lē ‘ua fa‘amaoni?‘Ua e sasaina i latou, a ‘ua lē tigā i latou;‘ua e fa‘aumatia i latou, a ‘ua latou lē mafafai ‘ona talia o le a‘oa‘iga.‘Ua latou fa‘ama‘a‘a o latou mata e sili i le papa,‘ua latou lē mafafai ‘ona toe fo‘i mai.
4 ‘Ona ‘ou fai ane ai lea, “‘Ai lava o tagata lautele i latou, e vālelea i latou.Auā latou te lē iloa le ala o le ALI‘I,ma le fa‘amasinoga a lo latou Atua.
5 ‘Ou te alu lava a‘u i ali‘i, ‘ou te tautala atu ‘iā te i latou;auā o i latou ‘ua latou iloa le ala o le ALI‘I,ma le fa‘amasinoga a lo latou Atua.”‘Ae peita‘i o i latou, ‘ua latou gausia lava le amo,ma latou motusi ‘ese i noanoaga.
6 O le mea lea e oti ai i latou i le leona mai le vao,e fano i latou i le luko o le afiafi;e lamalama le nameri i o latou ‘a‘ai.O i latou uma e ō atu ai e saeia lava i latou;auā ‘ua tele o latou solitulafono,‘ua atu lasi o latou liliu ‘ese.
7 E fa‘apefea ‘ona ‘ou fa‘amāgalo ‘iā te oe i lenei mea?‘Ua tu‘ua a‘u e lau fānau,a ‘ua latou tautō i mea e lē ni atua.Na ‘ou fafaga ‘iā te i latou ‘ua mā‘o‘ona,a ‘ua latou muliluluama latou fa‘apotopoto atu i le fale o le fafine talitane.
8 ‘Ua ni solofanua po‘a e pepeti i latou i le taeao,‘ua latou ta‘itasi ma tagi i le avā a lē la te tuā‘oi.
9 ‘Ou te lē taui atu ‘ea ‘iā te i latou ‘ona o ia mea,o lo‘o fetalai mai ai le ALI‘I;e le taui atu ‘ea ma sui e lo‘u agaga i le nu‘u fa‘apenā?
10 ‘Inā ā‘ea ia e ‘outou o ona pā, ma ‘outou lepetia ai;‘ae ‘aua tou te matuā fa‘aumatia.‘inā ‘ave‘eseina ia ona moemoe,auā e lē o a le ALI‘I ia.
11 Auā ‘ua matuā amio fa‘a‘ole‘ole mai ‘iā te a‘u le ‘āiga o Isaraelu,ma le ‘āiga o Iuta,o lo‘o fetalai mai ai le ALI‘I.
12 ‘Ua latou fa‘afiti i le ALI‘I ma latou fai atu,“E leai o ia; e lē o‘o mai fo‘i ‘iā te i matou se leaga,e lē iloa fo‘i e i matou le pelu po o le oge.”
13 E faia fo‘i perofeta ma matagi,e leai fo‘i se ‘upu ‘iā te i latou;e fa‘apea ‘ona faia ‘iā te i latou.
14 Lenei la, o lo‘o fa‘apea ‘ona fetalai mai o le ALI‘I, le Atua o ‘au:‘Ua ‘outou fai mai lenei ‘upu, fa‘auta mai,o le mea lea ‘ou te fai ai a‘u ‘upu i lo‘u gutu ma afi,e fai fo‘i lenei nu‘u ma fafie,e susunuina lava i latou.
15 Fa‘auta, le ‘āiga o Isaraelu e,o lo‘o ‘ou ‘aumaia se nu‘u a‘i le mea mamao e tau ma ‘outou,o lo‘o fetalai mai ai le ALI‘I;o le nu‘u malosi lea, o le nu‘u o le vavau,o le nu‘u fo‘i tou te lē iloa la latou gagana,tou te lē lagona fo‘i se mea latou te fai mai ai.
16 O la latou utu o ū fanafanae pei o se tu‘ugamau ‘ua fa‘amaga; o toa i latou uma.
17 Latou te ‘aina lau saito ma au mea e ‘ai,o mea e ‘ai ia a ou atali‘i ma ou afafine;latou te ‘aina au lafu mamoe ma au lafu povi.Latou te ‘aina ou vine ma ou mati;latou te fa‘atafunaina i le pelu ou ‘a‘ai nofo ‘olo ‘ua e fa‘atuatua i ai.
18 A o ia ona po ‘ou te lē matuā fa‘aumatia ai ‘outou, o lo‘o fetalai mai ai le ALI‘I.
19 A ‘outou fai mai, “O le a ‘ea ‘ua faia e le ALI‘I lo tatou Atua o ia mea uma ‘iā te i tatou?” ‘Ona e fai atu ai lea ‘iā te i latou, “E pei ‘ona ‘outou tu‘ua o a‘u, ma ‘outou ‘au‘auna i atua ‘ese i lo ‘outou nu‘u, e fa‘apea fo‘i ‘ona ‘outou ‘au‘auna atu i tagata ‘ese i le nu‘u e lē o lo ‘outou.”
20 ‘Inā ta‘u atu ia lenei mea i le ‘āiga o Iakopo,ma fa‘ailoa atu ai i Iuta, ‘ia fa‘apea atu:
21 ‘Inā fa‘alogologo mai ia i lenei mea,o ‘outou le nu‘u vālea ma le lē mafaufau;e fai o latou mata, ‘ae lē va‘ai i latou;e fai fo‘i o latou taliga, ‘ae lē fa‘alogo i latou.
22 Tou te lē fefefe ‘ea ‘iā te a‘u?O lo‘o fetalai mai ai le ALI‘I; tou te lē gatete ‘ea i o‘u luma?O a‘u na ‘ou tu‘uina le oneone e fai ma tuā‘oi o le sami;o le tulafono e fa‘avavau lea, e lē masopo‘ia;e ui ‘ina fati tetele mai ona galu, e lē mafaia lava;e ui ‘ina ta‘alili mai, e lē masopo‘ia lava.
23 A o lenei nu‘u, ‘ua i ai le loto vaogatā ma le fouvale,‘ua liliu ‘ese i latou ma ‘ua latou o.
24 ‘Ua latou le fai ifo fo‘i i o latou loto,“Se‘i tatou matata‘u i le ALI‘I lo tatou Atua,o lē na te foa‘i mai le timu,o le timuga muamua ma le timuga mulimuli i ona lava aso;o lē na te tausia fo‘i mo i tatou ona vaiasosa‘ua ‘atofaina e fai ai le seleselegāsaito.”
25 O a ‘outou amio leaga ‘ua liliu‘eseina ai ia mea;o a ‘outou agasala fo‘i ‘ua tāofia ai mea lelei a‘i ‘iā te ‘outou.
26 Auā ‘ua i ai i lo‘u nu‘u o tagata amio leaga;‘ua latou lamalama e pei ‘ona fa‘apuga o ē mailei manu;‘ua latou tu‘u le mailei, ‘ua latou maua tagata.
27 E pei ‘ona tumu o le āoa i manu felelei,e fa‘apea ‘ona tūtūmu o latou fale i le tau‘ole‘ole;o le mea lea ‘ua fa‘asilisiliina ai i latou ma fa‘atamao‘āigaina ai.
28 ‘Ua puputa i latou, ‘ua usiusi;‘ua silimusa i latou ‘ona fai amio leaga;‘ua latou le fai le finauga, o le finauga lava a lē ‘ua aumatuā,a ‘ua manuia i latou;o le fa‘amasinoga fo‘i a ē matitiva ‘ua latou le fa‘amasinoina.
29 ‘Ou te lē taui atu ‘ea ‘iā te i latou ‘ona o ia mea?O lo‘o fetalai mai ai le ALI‘I;e le taui atu ‘ea ma sui e lo‘u agaga i le nu‘u fa‘apenā?
30 ‘Ua faia i le nu‘u le meae ofo ai ma le ‘inosia;
31 ‘ua vavalo le ‘au perofeta i mea pepelo,‘ua pule fo‘i le ‘au ositaulaga ma le usiusita‘i ‘iā te i latou;‘ua loto fo‘i lo‘u nu‘u ‘ina ‘ia fa‘apea;‘ia se a se mea tou te faia i ona i‘uga?#