14 O le pologa ‘ea Isaraelu?Na fānau ‘ea o ia i le ‘āiga?Se a le mea ‘ua ‘avea ai o ia ma tagata o tau‘a?
15 ‘Ua fētāgisi atu ‘iā te ia o leona ta‘anoa,‘ua leo tetele i latou, ma ‘ua latou fa‘atafunaina lona nu‘u;‘ua susunuina fo‘i ona ‘a‘ai, ‘ua leai sē nofo ai.
16 O le fānau a Nafi ma Tapenesa,o i latou lava latou te ‘aina lou tumua‘i.
17 ‘Ua e lē faia ‘ea lenei mea ‘iā te oe lava,‘ina ‘ua e tu‘ua le ALI‘I lou Atuai ona po na ta‘ita‘iina ai oe e ia i le ala?
18 O lenei, se a ‘ea sau mea e fai i le ala o Aikupito,‘e te inu ai i le vai i Seora?Se a fo‘i sau mea e fai i le ala o Asuria,‘e te inu ai i le vai o le vaitafe?
19 E a‘oa‘i ‘iā te oe lau lava amio leaga,e fa‘asala fo‘i ‘iā te oe ou liliu ‘ese.O lenei, ‘ia e iloa, ma ‘ia e manatu,auā o le mea leaga ma le ‘o‘ona ‘ina ‘ua e tu‘ua le ALI‘I lou Atua,ma ‘ua e lē mata‘u ‘iā te a‘u,‘ua fetalai mai ai le Ali‘i le ATUA o ‘au.
20 Auā talu anamua na ‘ou gauia lau amo,ma ‘ou motusia ou noanoaga; ‘ona e fai mai ai lea,“‘Ou te lē ‘au‘auna atu;” i le ‘ua e ta‘oto i luga o mauga maualuluga uma,ma lalo o la‘au lauolaola uma, ‘ua e mulilua ai.