20 O Aikupito o le povi fafine e matuā tino lelei,‘ae o‘o mai lava le malaia mai le itū i matū.
21 O ona tagata fo‘i na fa‘a‘oloatau‘aina,o lo‘o i totonu ‘iā te ia e pei ni povi a‘i le fale povi.A ‘ua liutuaina lava i latou,‘ua latou sōsōla fa‘atasi, ‘ua latou le tutū.Auā ‘ua o‘o mai ‘iā te i latou le aso o lo latou malaia,o ona po e asia mai ai i latou.
22 E alu atu lona leo e pei se gata;auā latou te ō mai ma ‘auma latou ō mai ‘iā te ia ma matau,e pei o tagata ta la‘au.
23 Latou te ta lona vao,‘ua fetalai mai ai le ALI‘I,Auā e lē masu‘esu‘eina;auā e sili ‘ona tele i latou i sē akerise,e lē mafaitaulia fo‘i i latou.
24 ‘Ua fa‘amāina le tama fafine a Aikupito;e tu‘uina atu fo‘i o ia i lima o tagata mai le itū i matū.
25 O lo‘o fetalai mai le ALI‘I o ‘au, le Atua o Isaraelu: Fa‘auta, ‘ou te taui atu ‘iā Amoni i No, ma Farao ma Aikupito ma ona atua ma ‘ona tupu; o Farao lava ma i latou o ē fa‘atuatua ‘iā te ia;
26 ‘ou te tu‘uina atu fo‘i i latou i lima o ē sā‘ili e fasioti ‘iā te i latou ma le lima o Nepukanesa le tupu o Papelonia ma lima o ana ‘au‘auna; e mulimuli ane ‘ona toe ‘ainā ai lea, e pei o ona po anamua, ‘ua fetalai mai ai le ALI‘I.