6 Yena nomhlaba lo uyawugungxula,neentsika zawo zitsho ziqhaqhazele.
7 Nelanga uthetha nalo litsho lingaphumi,ke zona iinkwenkwezi uzigubungela zitsho zingaveli.
8 Nguye owawatwabululayo amazulu,waza wandolosa phezu kwawo amaza olwandle.
9 Nguye umenzi weendidi zeenkwenkwezi,oozibhere noomakroza, isilimela nomthala wasezantsi.
10 Yena ngumenzi wezinto ezinkulu ezingaphicothekiyo;kanti nemiqondiso yakhe ayinakubalwa.
11 Nokuba selegqitha ngakum andinako ukumbona;uthi tshe ndingaqondanga mna.
12 Khona selengade athathe into, ngubani ongamnqandayo?Akekho nongabuzayo athi: ‘Wenza ntoni ke?’