Sirako

O le Tupu‘aga o le Poto

¹O le Ali‘i le Atua ‘ua ala mai ai le poto uma lava; sa fa‘atasi pea ma ia ma ‘ua talu mai le vavau lava ia. ²O ai na te faitauina le oneone o i le sami po o matāua o le timu?O ai na te fuatia le maualuga o le lagi ma le lautele o le lalolagi ma le loloto o le vanu? ³Po o ai na te su‘esu‘eina le poto o le Atuana muamua ia i mea uma? ⁴E muamua i mea uma ‘ona faia le poto, o le malamalama fo‘i o le mafaufau e mai le vavau. ⁵O le pogai ma le tupu‘aga o le poto,o le afioga a le Atua i mea aupitoaluga,a o ona ala, o poloa‘iga e fa‘avavau. ⁶‘Ua fa‘aalia ‘iā te ai le a‘a o le poto,o ai fo‘i ‘ua na iloa ona ala lilo? ⁷‘Ua fa‘aalia ‘iā te ai le a‘oa‘oga o le poto ma ‘ua malamalama ai ‘iā te ia?O ai ‘ua na lagona ifo o le tele o ona ala? ⁸‘Ua na o le Silisili‘ese, o lē ona le mana uma,‘ua na faia mea uma, o le Tupu mamana ma le matuā mata‘utia,o le Atua o lo‘o nofo i lona nofoāli‘i ma pule i mea uma. ⁹O ia na faia le poto, ‘ua na iloa o ia, ‘ua na faitauina, na na fuaina. ¹⁰‘Ua na liligiina fo‘i i ana galuega uma, i luga fo‘i o tagata uma, e tusa ma lana fa‘asoaga,‘iā te i latou e alolofa ‘iā te ia.

O le Mata‘u i le Atua

¹¹O le mata‘u i le Ali‘i, o le mamalu,o le vi‘iga, o le fiafia ma le pale o le ‘oli‘oli. ¹²O le mata‘u i le Ali‘i e fiafia ai le loto,e maua ai le ‘oli‘oli ma le fiafia ma le fa‘alevaleva o le olaga. ¹³O lē mata‘u i le Ali‘i, e manuia o ia i aso amulī, e fa‘amanuiaina ai o ia i le aso e oti ai. ¹⁴O le alofa i le Atua, o le poto mamalu lea; ¹⁵o i latou e fa‘aalia i ai, latou te naunau i ai,pe a tepa i ai ma mautinoa ai ana galuega ofoofogia. ¹⁶O le amataga o le poto o le mata‘u i le Ali‘i; ‘ua tupu fa‘atasi ma tagata amiotonu i le manava o latou tinā;‘ua savali fa‘atasi ma fafine filifilia,‘ua aliali fo‘i ia i tagata amiotonu ma tagata fa‘amaoni. ¹⁷O le mata‘u i le Ali‘i o le amiotonu lea o le poto i le Atua. ¹⁸O le amiotonu e tausia ai ma fa‘apa‘iaina ai le loto,e maua mai ai le manuia ma le fiafia. ¹⁹E manuia le tagata ‘ua mata‘u i le Ali‘i,e fa‘amanuiaina o ia i ona aso mulimuli. ²⁰O le mata‘u i le Atua o le ‘ato‘atoa lea o le poto, ma ‘ua tino mai o lona ‘ato‘atoa i ona fua lelei. ²¹Na te fa‘atumuina le fale o le tagata poto i ona fua, o ona potu fo‘i i ‘oloa tāua. ²²O le mata‘u i le Ali‘i o le pale lea o le poto, na te fa‘afaula‘i le manuia ma le fua o le fa‘aolataga. ²³‘Ua na iloa le poto ma ‘ua na fuafuaina; o mea foa‘ifua a le Atua o i lā‘ua uma. ²⁴E liligi e le poto le iloa ma le atamai o le fa‘autauta ma ‘ua na fa‘ateleina le mamalu o tagata ‘ua latou tāofi i ai. ²⁵O le pogai o le poto o le mata‘u lea i le Ali‘i ma ‘ua lē āu mamae ona lālā. ²⁶O tu‘ugā‘oloa o le poto ‘ua i ai le iloa ma le amiotonu o le loto i le Atua; a ‘ua ‘inosia lava ia e tagata agasala. ²⁷O le mata‘u i le Ali‘i e tuli‘eseina ai le agasala, ²⁸auā e lē mafai ‘ona ta‘uamiotonuina lē ‘ua aunoa ma le mata‘u; auā o le osovale o lona ita e fulisia ai o ia.

O le ‘Onosa‘i ma le Amio Pulea

²⁹O le tagata ‘onosa‘i e ‘o‘ono lava ia se‘ia o‘o i aso e tatau ai, ‘ona toe maua ai lea o lona manuia. ³⁰O le tagata fa‘autauta na te tāofi ana ‘upu se‘ia o‘o i se aso, ‘ona talaina lea o lona poto e laugutu o le to‘atele. ³¹O tu‘ugā‘oloa o le poto ‘ua i ai tulafono o le a‘oa‘oga, ³²a o le to‘aga i le Atua e ‘inosia lava e tagata agasala.

O le Amiotonu i le Atua

³³Lo‘u atali‘i e, a e naunau i le poto, ‘ia e tausi pea i le amiotonu, ‘ona foa‘iina mai ai lea e le Atua ‘iā te oe. ³⁴Auā o le poto ma le a‘oa‘oga, o le mata‘u lea i le Ali‘i; o mea e fiafia ai o lona finagalo, ³⁵o le fa‘amaoni ma le agamalū, na te fa‘afaula‘i fo‘i o ‘oloa a i latou ‘ua tausi i ai. ³⁶‘Aua ‘e te ‘alo ‘ese i le mata‘u i le Ali‘i, ‘aua fo‘i ‘e te sā‘ili i ai ma le fa‘alotolotolua. ³⁷‘Aua ne‘i e fa‘afiaamiotonu i luma o tagata, ‘aua ne‘i ‘avea fo‘i ou laugutu ma mea ‘e te tausuai ai. ³⁸‘Ia e leoleo lava i ai, ‘ina ne‘i e pa‘ū ai, ma fa‘atupu le māsiasi i lou agaga, ³⁹‘ina ne‘i fa‘aali e le Atua mea ‘ua e natia, ‘ona tu‘ipalaina lea o oe i totonu o le potopotoga; ⁴⁰‘ona ‘ua e fa‘alata atu i le Ali‘i ma le loto leaga, ma ‘ua tumu lou loto i le pepelo ma le fa‘a‘ole‘ole.