1 ‘Āfai ‘ua e agaalofa atu i se tasi,‘ia e mautinoa po o ai ‘ua e alofa atu i ai,‘ona e maua ai lea le fa‘afetai i lou agalelei.
2 ‘Ia e agalelei atu i lē amiotonu,‘ona e maua mai ai lea le taui matuā tele;a lē taui mai e ia, e taui mai lava e le Ali‘i.
3 Auā e leai se mea lelei e maua e lē to‘aga i amio leaga ma ‘ua lē fai lava e ia ni mea alofa;auā e ‘ino‘ino le Silisili‘ese lava ia i tagata agasala,‘ae ‘ua ia alofa mai i ē salamō.
4 ‘Ia e agalelei atu i lē agaalofa,‘ae ‘aua ‘e te fesoasoani atu i lē agasala;e taui ma sui e le Atua i tagata amio leaga ma tagata agasala,o lo‘o tāofi i latou e ia mo le aso o le fa‘asalaga.
5 ‘Ia e alofa atu i lē amio lelei;‘ae ‘aua ‘e te tausi i le tagata agasala.
6 ‘Ia e alofa atu i lē fa‘amaulalo,‘aua ‘e te tu‘u atu se mea i lē amio leaga; ‘ia e vavao ne‘i avatu i ai ni mea e ‘ai,‘ina ne‘i fa‘asilia ai lona malosi ‘iā te oe.
7 Auā ‘e te talia mai ai le leaga fa‘asautualua e sui ai i mea lelei ta‘itasi uma na e avatu ‘iā te ia,auā e ‘ino‘ino le Silisili‘ese lava ia i tagata agasala,na te taui fo‘i ma sui i tagata amio leaga.
8 E lē o aso lelei e iloa ai le uō moni,e lē lilo fo‘i le fili i aso leaga.
9 A manuia le tagata, ‘ua fa‘anoanoa ai ona fili;a ‘iā te ia le puapuagā, ‘ona aliali mai lea o le uō.
10 ‘Aua lava ne‘i e fa‘atuatua i lou fili e o‘o i le fa‘avavau;auā o lona loto leaga ‘ua pei o le ‘ele e ufitia ai le ‘apamemea.
11 E tusa pe fa‘amaulalo lava ia ma savali o punou lona ulu,a ‘ia e fa‘aeteete lava, ‘ia e ‘alo ‘ese ‘iā te ia.
12 ‘Aua ne‘i e fa‘atū o ia i ou tafatafa, ‘aua ne‘i nofo o ia i lou itū taumatau,ne‘i fao e ia lou tulaga ma fai mōna lou nofoaga,‘ae mulimuli ane ‘ona e talitonu lea i a‘u ‘upu,‘ona e salamō ai lea i le manatu i a‘u fa‘amatalaga.
13 Po o ai a mutimuti alofa i lē na te fa‘aoleole gata,pe ‘āfai e utia ai lava ia? Po o i latou fo‘i e fa‘alatalata atu i manu fe‘ai?E fa‘apea lē fa‘auō ma le tagata amio leaga ma ‘ua lavelavea o ia i ana agasala.
14 E tasi le itūlā e fa‘atasi ai ma oe; ‘ae ‘āfai ‘ua e liliu ‘ese,e lē tali lava o ia.
15 E suamalie laugutu o le fili,a o lona loto na te sauniuni ai o mailei ‘ina ‘ia lafoina ai oe i le lua.
16 E tafe loimata i mata o le fili, ‘ae a maua sona ala,e lē āu mā‘ona lava ia i lou toto.
17 ‘Āfai ‘ua o‘o mai ‘iā te oe mea faigatā,‘e te maua lava o ia e muamua mai.
18 E tafe loimata i mata o le fili, na te fa‘atagā fesoasoani fo‘i ‘iā te oe,‘ae tau fa‘amapeva lava lou vae;
19 ‘ona lialia‘i lea o lona ulu ma patilima;na te saga musumusu lava ma liuliu ona mata.