1 O le poto o le tagata fa‘amaulalo e fa‘aeaina a‘i o lona uluma fa‘ati‘eti‘eina a‘i o ia i totonu o ē mamalu.
2 ‘Aua le vivi‘i atu i le tagata ‘ona o lona ‘aulelei,‘aua fo‘i ‘e te tauemu atu i le tagata ‘ona o ona mata.
3 O le lagomeli e itiiti lava ia i manu felelei,‘ae aupito suamalie o le fua o lana galuega.
4 ‘Aua lava ‘e te mimita i sou ‘ofu lelei,‘aua fo‘i ‘e te fa‘asausili i le aso e fa‘amamaluina ai oe,auā na o le Atua to‘atasi ‘ua ofoofogia lana faiga;‘ua mamalu, ‘ua lilo, ‘ua lē ‘itea ana galuega.
5 E to‘atele tupu na latou ti‘eti‘e i nofoāli‘i,a ‘ua fa‘apaleina o lē sa lē manatu i ai o tagata.
6 E to‘atele tagata toa ‘ua fa‘asalaina mamafa lava i latou;o tagata mamalu ‘ua tu‘uina atu fo‘i i latou i lalo o le pule a ni isi.
7 ‘Aua ‘e te ‘upuleaga atu i se tasi, a o le‘i faia ai sau su‘esu‘ega;a uma fo‘i ‘ona su‘esu‘e, ‘ia e a‘oa‘i atu ma le fa‘atatau.
8 ‘Aua ‘e te vave tali, a o le‘i fa‘alogo lelei ou taliga;‘aua fo‘i le lafovale ni au ‘upu a o fai le lauga a se tasi.
9 ‘Aua ‘e te finauvale i se matā‘upu ‘ua e le ‘aiā i ai,‘aua fo‘i ‘e te nofo i le fa‘amasinoga fa‘atasi ma tagata agasala.
10 Lo‘u atali‘i e,‘aua ‘e te fia sagai atu i ni galuega ‘ese‘ese e tele;‘āfai ‘ua e ‘a‘apa atu i mea e tele, e lē aunoa lava oe ma ni au soligātulafono.Auā ‘āfai ‘e te tuliloaina uma, ‘e te lē āu maua;‘ae ‘āfai ‘ua e fia ‘alo ‘ese ai, ‘e te lē saogalemū lava.
11 O le tasi ‘ua galue, ‘ua fa‘ata‘alise, ‘ua tigāina;a o le tagata amioletonu ia, e atili ai lava ‘ona mativa.
12 O le tasi ‘ua tino vaivai, ‘ua tagi atu i le fesoasoani mai a ni isi,‘ua asa lona malosi, ‘ae ‘ua faula‘i lona mativa;
13 a ‘ua silasila mai ‘iā te ia le fofoga o le Atua ma le agaalofama ‘ua lavea‘i ‘iā te ia a‘i lona fa‘amaulalo ma ‘ua na fa‘aeaina lona ulu;ma ‘ua ofo ‘iā te ia ni isi e to‘atele ma ‘ua latou vivi‘i atu ai i le Atua.
14 O le manuia ma le malaia, o le ola ma le oti,o le mativa ma le mau‘oa, ‘ua mai le Atua mea uma.
15 O lo‘o i le Atua le poto ma le a‘oa‘oga ma le malamalama i tulafono;o lo‘o ‘iā te ia le alofa ma le ala o amioga lelei.
16 O le mea sesē ma le pouliuli na tutupu fa‘atasi ma tagata agasala;a o ē ‘oli‘oli i amioga leaga, e tūtūmau i ai se‘ia o‘o ‘ina toeaina i latou.
17 O mea alofa a le Atua e tūtūmau i tagata amiotonu,o lana fesoasoani mai e fa‘amanuiaina ai i latou e fa‘avavau.
18 ‘Ua i ai le tasi ‘ua mau‘oa ‘ona o lona fa‘aeteete tele,i le o lenei le tofi e tauia ai o ia,
19 o lana fa‘apea ifo ‘iā te ia:“‘Ua ‘ou maua lo‘u mapusaga, a o le a ou ‘ai to‘atasi lava i a‘u mea lelei.”
20 A ‘ua lē mātau e ia e mavae atu o aso ma ‘ua lata mai le oti,‘ona tu‘ua lea e ia i ni isi o ana mea uma, ‘ae oti lava ia.
21 ‘Ia e fa‘amaoni i lau feagaiga ma ‘ia e saga manatua peama ‘ia e tausi pea i poloa‘iga ‘ua tu‘u mai ‘iā te oe, se‘ia o‘o ‘ina e toeaina.
22 ‘Aua ne‘i e tu i amioga a tagata agasala,a ‘ia e fa‘alagolago i le Atua ma ‘ia e mautū i lou lava tulaga.
23 Auā o le mea faigofie i fofoga o le Atua le fa‘a‘oloaina fa‘afuase‘i le tagata mativa.
24 O fa‘amanuiaga a le Atua e vave tauia mai ai i le tagata amiotonu,e fa‘atupuina ai lava ni ona fua i se itūlā pu‘upu‘u.
25 ‘Aua ‘e te fa‘apea ifo: “Se ā le mea ‘ou te tigāina fua ai,se ā se mea lelei ‘ou te maua mai ai?”
26 ‘Aua fo‘i ‘e te fa‘apea ifo:“‘Ua lava ‘iā te a‘u mea ‘ua ‘ou maua;se ā se leaga a o‘o mai ‘iā te a‘u?”
27 O aso ‘e te manuia ai, ‘aua ne‘i galo ‘iā te oe o mala;a o aso ‘e te puapuagātia ai, ‘aua ne‘i galo ‘iā te oe le manuia.
28 Auā o le mea faigofie i luma o le Atua, i le aso o le oti,‘ona taui atu i tagata ta‘ito‘atasi e tusa ma ana amioga.
29 O le puapuagā o le itūlā e tasi e fa‘agaloina ai o fa‘amanuiaga tetele;a i‘u fo‘i le ola, ‘ona fa‘aalia lea o galuega a le tagata.
30 ‘Aua ‘e te fa‘a‘amu‘ia i se tagata a o le‘i oti o ia,auā o lana lava fānau e iloaina a‘i o ia.
31 ‘Aua ‘e te talia tagata uma i lou ‘āiga,auā ‘ua tele lava mailei a le tagata fa‘a‘ole‘ole.
32 E pei ‘ona elo le mānavaga a lē ‘ua leaga ona tōtōga,e pei ‘ona ta‘ita‘iina le manulele i le faga ma le ‘oti i le matāsele,e fa‘apea le loto fa‘amaualuga; ‘ua pei o se tagata e lamalama i le fia iloa le malaia o lona uso.
33 Auā ‘ua faimailei o ia ‘ona ‘ua liliu le lelei e fai ma leaga;na te fa‘a‘ele‘elea o ē ‘ua sili ‘ona mamā.
34 E tupu le mū tele i le aloiafi e tasi,e tafe tele fo‘i le toto ‘ona o le tagata fa‘a‘ole‘ole e to‘atasi;o le tagata agasala na te fai mailei i le fia liligi le toto.
35 ‘Ia oe ma le tagata lotovale, auā e lalaga e ia le leaga;‘ina ne‘i ‘avea ai oe ma ulaga i le fa‘avavau.
36 ‘Ia e talia le tagata ‘ese i lou fale, ‘ona ia fa‘apalasi lea ‘iā te oe,e pei o se asiosio, na te fa‘amamao fo‘i ma oe o tagata o lou lava ‘āiga.