1 Le oti e,e matuā ‘o‘ona le manatu ‘iā te oe o le tagata e nofo ma le filemū, e si‘omia i ona ‘oloa;
2 ma le tagata ‘ua leai ni ona fa‘alavelave,‘ae sololelei ana mea uma e fai,‘ua mafai pea ‘iā te ia ‘ona tali ana mea e ‘ai.
3 Le oti e,e lelei lou i‘uga mo le tagata mativa ma lē ‘ua fa‘aifo lona malosi,
4 mā lē ‘ua tele ona tausaga ma ‘ua popole o ia i mea umama ‘ua leai sona toe fa‘amoemoe, ‘ua lē toe lavā ‘onosa‘i.
5 ‘Aua ‘e te mata‘u i le i‘uga o le oti.‘Ia e manatua o ē na muamua ‘iā te oe ma ē mulimuli mai ‘iā te oe;o le fa‘ai‘uga lea a le Ali‘i mo ē ola uma lava.
6 Se ā se mea ‘e te osovale ai oe i le finagalo o le Silisili‘ese?Po o le sefulu po o le selau, po o le afe o tausaga,
7 auā e lē taulia aso o le ola i le tu‘ugamau.
8 O le fānauga ‘inosia le fānauga a tagata agasala,o ē feoa‘i i fale o ē amio leaga.
9 E fa‘aumatia le tofi o le fānauga a tagata agasala,o le luma e lē matineia e fa‘atasi ma la latou fānau.
10 E ta‘uleaga o le tamā agasala e ona atali‘i,auā ‘ua ‘avea i latou ma luma ‘ona o ia.
11 ‘Oi, talofa ‘iā te ‘outou, tagata amio leaga,na ‘outou tu‘ua le tulafono a le Ali‘i silisili ‘ese!
12 Na fānau mai ‘outou, na fānau lava i le fetu‘u;a oti fo‘i ‘outou, o le fetu‘u lava lo ‘outou tofi.
13 O mea uma mai le ‘ele‘ele, e toe fo‘i atu i le ‘ele‘ele;e fa‘apea o ē amio leaga ‘ua amata mai i le fetu‘u, ‘ae i‘u i le fanoga.
14 E fa‘anoanoa tagata i o latou tino i‘uvale;‘ae o le igoa o ē amio leaga e sōloi‘esea ia.
15 ‘Ia e fa‘aeteete lava i lou ta‘uleleia,auā e sili ‘ona tumau lea ‘iā te oe i le afe o fa‘aputuga ‘oa tāua ma le tetele.
16 E mafaitaulia aso o le olaga manuia,a o le ta‘uleleia e tumau ia i le fa‘avavau.
17 O‘u atali‘i e,‘ia ‘outou tausia ma le filemū a‘u fa‘atonuga;auā ‘āfai e natia pea le poto ma lilo pea le ‘oloa,se ā se aogā o mea ia e lua?
18 E feoloolo le tagata na te natia lona valea,‘ae leaga lē na te natia lona poto.
19 O lea la, ‘ia māsiasi ‘outou i mea ‘ou te ta‘u atua nei,
20 auā e lē lelei ‘ona māsiasi i mea uma,e lē ‘amana‘ia fo‘i mea uma e tagata umae tusa ma le mafaufau sa‘o.
21 O le faita‘aga ‘ia māsiasi ai ‘outou i luma o ‘outou tamā,a o le talapelo ‘ia māsiasi ai i luma o le tumua ma le tagata mamalu,
22 o le solitulafono i luma o le ali‘i sili ma le fa‘amasino,a o le amio lē taupulea i luma o le fa‘apotopotoga ma le motu o tagata;
23 o le amioletonu i luma o lau uō ma lē ‘ua ‘outou masani,o le gaoi i luma o ē tou te tuā‘oi.
24 ‘Ona o le fa‘amaoni o le Atua ma lana feagaiga;o le fa‘apuga i luga o mea e ‘ai ma le fa‘atupu tauemugai mea e foa‘i atu po o mea e talia mai;
25 o le lē tali atu i ē ofo alofa mai,o le matamata i se fafine talitane ma le ‘alo ou mata i lē lua te ‘āiga.
26 ‘Ia oe ne‘i ‘alo ou mata i lē lua te tuā‘oi,‘aua le fai ma oe lona tofi ma le lē toe fa‘afo‘i atu i ai.
27 ‘Aua ‘e te matamata i le avā a le tasi, ‘aua fo‘i ‘e te fa‘afiato‘aga i lana ‘au‘auna fafine,‘aua ‘e te fa‘alata atu i lona moega.
28 O ‘upu tauemu, ‘ia e māsiasi ai i luma o au uō;‘ia oe ne‘i e toe ta‘uta‘ua mea na e foa‘i atu.