1 ‘Amu‘ia le tagata ‘ua lē pa‘ū o ia i ‘upu o ona laugutuma ‘ua lē mafatia i le fa‘anoanoa ‘ona o ana agasala.
2 ‘Amu‘ia lē ‘ua lē mafatia lona loto fuatia ifoma ‘ua lē pa‘ū o ia nai le fa‘amoemoe lelei.
3 E lē aogā le ‘oloa i le tagata manumanu ma le mata‘ū;se ā fo‘i se aogā o le auro i le tagata matau‘a?
4 O le tagata na te fa‘aputuputu ma le amioletonu, e fa‘aleaga o ia e ia,‘ua na fa‘aputuputu mo le tasi, e faia o faigā‘ai a le tagata ‘ese i ana lava ‘oloa.
5 O le tagata ‘ua fa‘aleaga o ia e ia, po o ai se tasi e agalelei i ai o ia?E lē fa‘aaogāina fo‘i e ia o ana lava ‘oloa.
6 ‘Ai sē matau‘a o ia ‘iā te ia lava,‘ua ‘avea o ia mōna lava fili aupito sauā;o le taui tatau fo‘i lea o lona loto leaga.
7 ‘Āfai fo‘i ‘ua agalelei mai i se tasi, o lana mea lea ‘ua faia ma le lē iloa ma le loto musuā;‘ae mulimuli ane ‘ua aliali lava lona loto leaga.
8 E leaga le mata o le tagata matau‘a,na te liliu‘ese lona ulu ma ‘ino‘ino i lona agaga.
9 E lē āu mā‘ona le mata o le tagata manumanu i se vaega o le amioletonu;e fa‘ato‘ā mā‘ona pe a mamae ai lona agaga ma mū ai.
10 O le mata ‘ua leaga e naunau lava ia i le leaga,e lē mā‘ona o ia i mea e ‘ai, a ‘ua mole ma ‘ua fa‘anoanoa o ia i lona lava la‘o‘ai.
11 Lo‘u atali‘i e, ‘āfai ‘ua e mau‘oa, ‘ia e tausi lelei ‘iā te oe lava,‘ia e momoli fo‘i i le Atua o mea alofa ‘ua tatau ai.
12 ‘Ia e manatua e lē tuai mai le oti ma ‘ua fa‘atonuina mai ‘iā te oe le i‘uga o seoli.Auā o le tulafono lea o le lalolagi: e oti lava le tagata.
13 A o le‘i o‘o mai le oti, ‘ia e agaalofa atu i lau uō;‘ia e fa‘aloaloa ou lima ma e fai mea alofa i le tagata mativa,e tusa ma le mea ‘ua e lavātia.
14 ‘Aua ‘e te ‘alo ‘ese i le aso fiafia,‘aua fo‘i ‘e te tu‘utia‘i sina vaega itiiti o lenā mea alofa lelei.
15 ‘E te lē tu‘ua ‘ea i ni isi o fua o lou tigāina ma au galuega ‘ina ‘ia tufatufaina i le vili?
16 ‘Ia e foa‘i atu ma ‘ia e talia mai,e ta‘uamiotonuina ai lou agaga.
17 A o le‘i o‘o mai le oti, ‘ia e tausi i le amiotonu,auā e lē āu maua i seoli ni mea e ‘ai.
18 O tino uma lava e mamae e pei o le mutia,e pei o laula‘au e tutupu i le la‘au ola,
19 e tutupu mai nisi, ‘ae to‘ulu ifo nisi;e fa‘apea le tupulaga e fai tino ma fai toto,e fa‘aumatia le tasi, ‘ae fānau mai le tasi.
20 E i‘u ‘ina mavae atu o galuega uma ‘ua ‘augavale,e mavae atu fa‘atasi ai ma lē ‘ua na faia o ia galuega.
21 ‘Ae vi‘ia o galuega lelei uma lava,e fa‘amamaluina ai fo‘i o lē ‘ua na faia.
22 ‘Amu‘ia le tagata ‘ua to‘aga pea i le poto ma ‘ua mafaufau i lona amiotonu,o fuafua ifo i lona loto i le silafaga a le Atua,
23 ma ‘ua su‘esu‘e ifo i lona loto i ala o le poto, ‘ua malamalama ‘iā te ia ona ala lilo,‘ua mulimuli atu ‘iā te ia e pei o se tagata lamalama ma ‘ua tumau lava ia i ona ala.
24 Na te tilotilo i ona fa‘amalama ma fa‘alogologo i ona faitoto‘a;
25 e nofo o ia e lata ane i lona fale, ma sunu‘i ona te‘e i ona pavali;na te fa‘atū ai lona fale ‘ie e latalata ‘iā te ia, e tumau ai lava le manuia i lona fale ‘ie e o‘o i le fa‘avavau.
26 Na te fa‘anofoina ona atali‘i i lona paolo,e mautū fo‘i o ia i lalo o ana lālā.
27 O lona paolo e puipuia ai o ia i le vevela,e fa‘amālōlō lava o ia i lona mamalu.