9 O le tagata amioletonu e manuia lava ia i mea leaga,a o se mea lelei ‘ua na maua, o le a fano ai lava ia.
10 ‘Ua i ai le mea alofa ‘ua faifua,e i ai ma le mea alofa e fa‘alua ‘ona tauia mai.
11 O le tasi ‘ua māui lona ta‘uleleia pe a fa‘amamaluina,a o le tasi ‘ua fa‘amasiasi o ia, ‘ae fa‘aea ai o lona ulu.
12 O le tasi ‘ua fa‘atau mai ni ana mea e tele i se tau ‘ua itiiti fua,‘ae ‘ua sili fa‘afitu i le tau e tusa ai.
13 O lē poto i ana ‘upu e alofagia o ia,‘ae maumau lava o ‘upu alofa a le vale.
14 E lē aogā ‘iā te oe le mea alofa a le vale,auā e sautuafitu ona mata.
15 E itiiti lana mea e foa‘i mai, ‘ae tele lana ‘ote mai ai,a matala mai lona gutu, e pei e oso mai ai le afi.