3 O le tagata mafaufau e fa‘atuatua o ia i le tulafono a le Atua,e fa‘amaoni fo‘i le tulafono ‘iā te ia.
4 O lē fia fai sana tagi, ‘ia sauniuni lelei ana ‘upu, ‘ona talileleia lea o lana ōlega;na te tausia fo‘i le tulafono, ‘ona fai ai lea o sana tali.
5 O le loto o le vale e pei o le uili o le nofoa ta‘avalevale,a o ona manatu ‘ua pei o se pe‘ape‘a saga ta‘avilivili.
6 O le uō tauemu ‘ua pei o le solofanua po‘a, e e‘e lava ia, so se tasi e ti‘eti‘e ‘iā te ia.
7 O le a le mea e sili ai le tasi aso i le tasi aso,le malamalama i le malamalama, le tausaga i le tasi tausaga,‘ae mai le lā uma lava?
8 O le poto o le Ali‘i na vavae‘eseina ai ‘ina ‘ua faia le lā na te tausia ana poloa‘iga.
9 ‘Ua na fa‘a‘ese‘eseina o vaitausaga ma aso tetele e i ai,ma ‘ua latou tausi ai itūlā i le fa‘amamalu o aso tetele.