17 ‘Ia e molimau lava oe ‘iā i latou ‘ua ‘avea mou tagata talu mai le amataga,ma ‘ia e fa‘ataunu‘u o valo‘aga ‘ua faia i lou suafa e perofeta muamua.
18 ‘Ia e taui mai ‘iā i latou ‘ua fa‘atalitali ‘iā te oe,‘ina ‘ia iloa ai le fa‘amaoni o au perofeta,‘ia e fa‘afofoga fo‘i i ōlega a au ‘au‘auna,
19 e tusa ma le fa‘amanuiaga a Arona i luga o lou nu‘u;‘ia e ta‘ita‘i fo‘i i matou i ala o le amiotonu,‘ina ‘ia iloa ai e i latou uma o nonofo i le lalolagi o oe lava o le Atua lē silasila ifo i augatupulaga.
20 E talia e le manava mea e ‘ai ‘ese‘ese uma,‘ae sili le lelei o le tasi mea e ‘ai i lo le tasi mea e ‘ai.
21 E masino i le gutu le ‘a‘ano o manu ‘aivao,‘ua masino fo‘i i le loto mafaufau o ‘upu o le talapepelo.
22 E fa‘atupu fa‘anoanoa e le tagata loto leaga,‘ae tete‘e atu i ai le tagata poto.
23 E tali e le fafine so se tasi ‘ua fai mana tane,‘ae sili ‘ona lelei le tasi teine i le tasi teine.