2 Auā o le uō ma lē ‘ua masani, a ‘ua ‘avea mou fili.
3 E! le mafaufauga leaga e, po o fea na e tupu mai ai,‘ua e ufitia ai le lalolagi i lou leaga ma lou fa‘a‘ole‘ole.
4 E fiafia le uō fa‘atasi ma lana uō i mea lelei ‘ua o‘o ‘iā te ia,a o aso o le puapuagā e ‘avea ai mōna fili.
5 E fa‘anoanoa le uō fa‘atasi ma lana uō, ‘ona o le manatu i lona ia manava,‘ae a tu mai le fili, ‘ona ia tago lea i le talitā.
6 ‘Aua ne‘i galo lau uō i lou loto,‘ia e manatua pea o ia i aso ‘e te mau‘oloa ai.
7 ‘Aua ne‘i lua filifili fa‘atasi ma lē na faimailei ‘iā te oe,‘ia e fa‘ananā ou mafaufauga i luma o ē matata‘u ‘iā te oe.
8 E fa‘aalia mai ‘iā te oe o lo latou tāofi o tagata uma ‘ua e fesili i ai,a o le tasi ‘ua fa‘atatau le tāofi e fa‘aali atua i mea e lelei ai lava ia.