14 Mazibe namatsheyini amabini aphothwe ngemingqa yegolide.”
15 “Yenza isikhuselo-sifuba esiya kunceda umbingeleli omkhulu xa efuna ukuqonda intando kaThixo. Masenziwe kwangezaa zinto senziwe ngazo *isidanga, nangobugcisa obukwanjalo.
16 Masibe ngumphindo olinganayo, ubude bube ziisentimitha ezingamashumi amabini nambini, nobubanzi bube kangako.
17 Masihonjiswe ngemiqolo emine yamatye exabiso. Kuludwe lokuqala ibe yirubhi, itopazi, negarneti;
18 kolwesibini ibe yiemeraldi, isafire, nedayimani;
19 kumqolo wesithathu ibe yitekoyisi, iagati, neamatiste;
20 kowesine ibe yibherile, ikarneli, nejaspa. Onke ke makabanjwe ngesipeliti segolide.