9 Погледнав и ете: покрај херувите четири колца, по едно покрај секого. А тркалата беа слични на каменот хрисолит;
10 сите четири со исти облик и како едното тркало да е во другото.
11 При движењето можеа да одат во сите четири насоки, сè без завртување. Каде што ќе се насочеше главата, натаму би тргнале а да не требаа, движејќи се, да се вртат.
12 Целото тело на херувите - плеќите, рацете, крилата и сите четири нивни колца - сè им беше насекаде наоколу полно со очи.
13 А колцата, колку што чув, се викаа „Виор”.
14 Секој имаше по четири лица: лицето на првиот херувско, лицето на вториот човечко, а во третиот лице лавско, во четвртиот орелско.
15 Тогаш херувите се подигнаа во височините, тоа беше истото суштество што го видов покрај реката Хевара.