3 за да се прими умна поука, правда, правосудство и правичност;
4 за да им се даде памет на неискусните; знаење и умеење на младиот човек;
5 кога мудриот чуе, да биде уште помудар, а разумниот да стекне помудри мисли;
6 за да ги разбере пословиците и приказните, зборовите на мудреците и нивните загатки.
7 Стравот од Господа е почеток на мудроста, но безумните ги презираат мудроста и поуката.
8 Сине мој, послушај ја поуката на својот татко и не отфрлај го учењето на својата мајка!
9 Зашто ќе ти бидат милостив венец на главата и ѓердан околу твојот врат.