28 Не сведочи лажно против својот ближен; зар ќе мамиш со своите усни?
29 Не зборувај: „Како што тој ми направи мене, така ќе му направам и јас нему; ќе му платам на тој човек според неговото дело!”
30 Поминував покрај нивата на некој мрзливец, и покрај лозјето на некој безумник;
31 и ете, сè беше зарастено во коприви, трњето ја покриле површината, и камената ограда беше разурната.
32 Го видов тоа и го запазив во срцето, разгледав и зедов поука:
33 „Уште малку поспи, уште малку подреми, уште малку свиткај ги рацете за починка,
34 и ќе дојде твоето сиромаштво како скитник, и немаштијата како вооруженик!”