2 Народот се радува кога се умножуваат праведниците, а народот воздивнува, кога ќе завладеат нечесните.
3 Човек кој ја љуби мудроста, го радува татка си, а кој се дружи со блудниците, го растурува имотот.
4 Царот ја одржува државата со правда, а ја разурнува кој бара подароци.
5 Човек кој му ласка на својот ближен, им простира мрежи на неговите стапки.
6 Во гревот е стапицата за лошиот човек, а праведникот ликува и се весели.
7 Праведникот го разбира правото на бедните, а нечесниот не вникнува за да сфати.
8 Потсмевачите го запалуваат градот, а мудрите го стивнуваат гневот.