15 затоа ти излегов во пресрет, да те барам, и те најдов.
16 Своето легло го послав со килими, со везени египетски покривачи;
17 својата постела ја намирисав со смирна, алој и канела.
18 Ајде да се ситиме со нежности до утрото и да се насладуваме во љубовта.
19 Зашто мојот маж не е дома, отиде на далечен пат;
20 зеде со себе ќесе со сребро, а ќе се врати дома одвај при полната месечина.”
21 Така го заведе со своето наговарање, го одвлече со своите мазни усни.