15 မိမိအားစိတ်ကိုပျော်ရွှင်စေရန် စပျစ်ရည်ကိုလည်းကောင်း၊လန်းဆန်းစေရန်သံလွင်ဆီကိုလည်းကောင်း၊ခွန်အားဖြစ်စေရန်အစားအစာကိုလည်းကောင်း ရရှိနိုင်ပါ၏။
16 ထာဝရဘုရားစိုက်တော်မူသောကိုယ်တော်၏သစ်ပင်များဖြစ်သည့်လေဗနုန်တောမှ အာရဇ်ပင်တို့သည်မိုးရေများစွာရရှိကြပါသည်။
17 ထိုအရပ်တွင်ငှက်တို့သည်အသိုက်များ ပြုလုပ်ကြပါ၏။တောငန်းတို့သည်ထင်းရှူးပင်များတွင် အသိုက်များပြုလုပ်ကြပါ၏။
18 တောဆိတ်တို့သည်တောင်မြင့်များပေါ်တွင် နေကြပါ၏။ခွေးတူဝက်တူတို့သည်ကျောက်တောင်စောင်းများတွင်ခိုအောင်း ကြပါ၏။
19 ကိုယ်တော်ရှင်သည်အချိန်ကာလကိုသတ်မှတ်ရန်အတွက်လကိုဖန်ဆင်းတော်မူပါ၏။နေသည်မိမိဝင်ရမည့်အချိန်ကိုသိပါ၏။
20 ကိုယ်တော်ရှင်သည်ညဥ့်ကိုဖန်ဆင်းတော်မူသဖြင့်မှောက်မိုက်ချိန်တွင်တောတိရစ္ဆာန်အပေါင်းတို့ ထွက်လာကြပါ၏။
21 ခြင်္သေ့ပျိုတို့သည်အစာရှာနေစဉ်ဟောက်ကြပါ၏။သူတို့သည်ထာဝရဘုရားချပေးတော်မူသော အစာကိုရှာကြ၍