2 Emi o wi fun Ọlọrun pe, o jare! máṣe dá mi lẹbi; fi hàn mi nitori idi ohun ti iwọ fi mba mi jà.
3 O ha tọ́ si ọ ti iwọ iba ma tẹ̀mọlẹ̀, ti iwọ iba fi ma gan iṣẹ ọwọ rẹ, ti iwọ o fi ma tan imọlẹ si ìmọ enia buburu?
4 Oju rẹ iha ṣe oju enia bi? tabi iwọ a ma riran bi enia ti iriran?
5 Ọjọ rẹ ha dabi ọjọ enia, ọdun rẹ ha dabi ọdun enia?
6 Ti iwọ fi mbere aiṣedẽde mi, ti iwọ si fi wa ẹ̀ṣẹ mi ri?
7 Iwọ mọ̀ pe emi kì iṣe oniwa-buburu, kò si sí ẹniti igbà kuro li ọwọ rẹ.
8 Ọwọ rẹ li o ti dá mi, ti o si mọ mi pọ̀ yikakiri; sibẹ iwọ si mbà mi jẹ́.