24 Y mae un yn hael, ac eto'n ennill cyfoeth,ond arall yn grintach, a phob amser mewn angen.
25 Llwydda'r un a wasgar fendithion,a diwellir yr un a ddiwalla eraill.
26 Y mae pobl yn melltithio'r un sy'n cronni ŷd,ond yn bendithio'r sawl sy'n ei werthu.
27 Y mae'r un sy'n ceisio daioni yn ennill ffafr,ond syrth drygioni ar y sawl sy'n ei ddilyn.
28 Cwympa'r un sy'n ymddiried yn ei gyfoeth,ond ffynna'r cyfiawn fel deilen werdd.
29 Y mae'r un sy'n peri helbul i'w deulu'n etifeddu'r gwynt,a bydd y ffôl yn was i'r doeth.
30 Ffrwyth cyfiawnder yw pren y bywyd,ond y mae trais yn difa bywydau.