15 Y mae deall da yn ennill ffafr,ond garw yw ffordd y twyllwyr.
16 Y mae pawb call yn gweithredu'n ddeallus,ond y mae'r ffôl yn amlygu ffolineb.
17 Y mae negesydd drwg yn achosi dinistr,ond cennad cywir yn dwyn lles.
18 Tlodi a gwarth sydd i'r un sy'n anwybyddu disgyblaeth,ond anrhydeddir y sawl sy'n derbyn cerydd.
19 Y mae dymuniad a gyflawnir yn felys ei flas,ond cas gan ffyliaid droi oddi wrth ddrwg.
20 Trwy rodio gyda'r doeth ceir doethineb,ond daw niwed o aros yng nghwmni ffyliaid.
21 Y mae dinistr yn dilyn pechaduriaid,ond daioni yw gwobr y cyfiawn.