11 Fy mab, paid â diystyru disgyblaeth yr ARGLWYDD,a phaid â digio wrth ei gerydd;
12 oherwydd ceryddu'r un a gâr y mae'r ARGLWYDD,fel tad sy'n hoff o'i blentyn.
13 Gwyn ei fyd y sawl a gafodd ddoethineb,a'r un sy'n berchen deall.
14 Y mae mwy o elw ynddi nag mewn arian,a'i chynnyrch yn well nag aur.
15 Y mae'n fwy gwerthfawr na gemau,ac nid yw dim a ddymuni yn debyg iddi.
16 Yn ei llaw dde y mae hir oes,a chyfoeth ac anrhydedd yn ei llaw chwith.
17 Ffyrdd hyfryd yw ei ffyrdd,a heddwch sydd ar ei holl lwybrau.