1 Koma Yobu anayankha, nati,
2 Lero lomwe kudandaula kwanga kumawawa;Kulanga kwanga kuposa kubuula kwanga m'kulemera kwace.
3 Ha! ndikadadziwa kumene ndikampeza Mulungu,Kuti ndifike ku mpando wace!
4 Ndikadalongosola mlandu wanga pamaso pace,Ndikadadzaza m'kamwa mwanga ndi matsutsano.
5 Ndikadadziwa mau akadandiyankha ine,Ndikadazindikira cimene akadanena nane.
6 Akadatsutsana nane kodi mwa mphamvu yace yaikuru?Iai, koma akadandicherera khutu.
7 Apo woongoka mtima akadatsutsana naye;Ndipo ndikadapulumuka cipulumukire kwa Woweruza wanga.
8 Taonani, ndikamka m'tsogolo, kulibe Iye;Kapena m'mbuyo sindimzindikira;
9 Akacita Iye kulamanzere, sindimpenyerera;Akabisala kulamanja, sindimuona,
10 Koma adziwa njira ndilowayi;Atandiyesa ndidzaturuka ngati golidi.
11 Phazi langa lagwiratu moponda Iye,Ndasunga njira yace, wosapambukamo.
12 Sindinabwerera kusiya malamulo a pa milomo yace;Ndasungitsa mau a pakamwa pace koposa lamulo langa langa.
13 Koma Iye ndiye wa mtima umodzi, adzambweza ndani?Ndi ici cimene moyo wace ucifuna acicita.
14 Pakuti adzacita condiikidwiratu;Ndipo zambiri zotere ziri ndi Iye.
15 Cifukwa cace ndiopsedwa pankhope pace;Ndikalingirira, ndicita mantha ndi Iye.
16 Pakuti Mulungu walefula mtima wanga,Ndi Wamphamvuyonse wandiopsa.