11 Pwy a roddodd i mi yn gyntaf, a mi a dalaf? beth bynnag sydd dan yr holl nefoedd, eiddof fi yw.
12 Ni chelaf ei aelodau ef, na'i gryfder, na gweddeidd‐dra ei ystum ef.
13 Pwy a ddatguddia wyneb ei wisg ef? pwy a ddaw ato ef â'i ffrwyn ddauddyblyg?
14 Pwy a egyr ddorau ei wyneb ef? ofnadwy yw amgylchoedd ei ddannedd ef.
15 Ei falchder yw ei emau, wedi eu cau ynghyd megis â sêl gaeth.
16 Y mae y naill mor agos at y llall, fel na ddaw gwynt rhyngddynt.
17 Pob un a lŷn wrth ei gilydd; hwy a gydymgysylltant, fel na wahenir hwy.