12 Wele, efe a ysglyfaetha, pwy a'i lluddia? pwy a ddywed wrtho, Pa beth yr wyt yn ei wneuthur?
13 Oni thry Duw ei ddicllonedd ymaith, dano ef y cryma cynorthwywyr balchder.
14 Pa faint llai yr atebaf iddo ef, ac y gallaf ddewis fy ngeiriau i ymresymu ag ef?
15 I'r hwn, pe bawn gyfiawn, nid atebwn, eithr ymbiliwn â'm barnwr.
16 Pe galwaswn, a phed atebasai efe i mi, ni chredwn y gwrandawai efe fy lleferydd.
17 Canys efe a'm dryllia â chorwynt, ac a amlha fy archollion yn ddiachos.
18 Ni ddioddef efe i mi gymryd fy anadl: ond efe a'm lleinw â chwerwder.