22 Yare hobane dikamele di qete ho nwa, monna eo a nka lesale la kgauta la boima ba halofo ya shekele, le mefitshana e mmedi ya matsoho ya dishekele tse leshome tsa kgauta,
23 a re: O moradi wa mang? Ako mpolelle! Hleka sebaka se teng ka tlung ya ntatao moo re ka hlolang bosiu teng?
24 Yaba o re ho yena: Ke moradi wa Bethuele, mora wa Milka, eo a mo tswaletseng Nakore.
25 A ba a re ho yena: Re na le mooko, le furu e ngata ho rona, le sebaka moo ho ka robalwang teng.
26 Yaba monna eo o inama, a kgumamela Jehova,
27 a re: Ho bokwe Jehova, Modimo wa mong a ka Abrahama, ya sa kang a hlokisa mong a ka lereko la hae le botshepehi ba hae! Haele nna, Jehova o fela a ntsamaisitse ho ntlisa tlung ya banababo mong a ka.
28 Yaba morwetsana o matha, a ya bolella ba ntlo ya mmae ditaba tseo.