18 Lea a re: Jehova o nneile moputso wa me, kamoo ke neileng monna wa me lekgabunyane la me. A mo rea lebitso la Issaskare (moputso).
19 Lea a boela a emola, a tswalla Jakobo mora wa botshelela.
20 Yaba Lea o re: Modimo o ntshitsitse ka neo e ntle; jwale, monna wa me o tla dula ha ka, hobane ke mo tswaletse bara ba tsheletseng. Mme a mo rea lebitso la Sabulone (moaho).
21 Kamorao, a tswala moradi, a mo rea lebitso la Dina.
22 Yaba Modimo o hopola Ragele, Modimo wa ba wa mo utlwa, wa thibolla popelo ya hae.
23 A emola, a tswala mora, a re: Modimo o tlositse sekgobo sa me.
24 Mme a mo rea lebitso la Josefa (kekeletso), a re: Jehova a nkekeletse mora e mong.