Genese

²³Bara ba Jakobo ba ne ba le leshome le metso e mmedi. Bara ba Lea ke Rubene, mora wa Jakobo wa letsibolo, le Simeone, le Levi, le Juda, le Issaskare, le Sabulone. ²⁴Bara ba Ragele ke Josefa le Benjamine. ²⁵Bara ba Bilha, lekgabunyane le Ragele, ke Dane, le Nefthali. ²⁶Bara ba Silpa, lekgabunyane la Lea, ke Gade, le Asere. Ke bona bara ba Jakobo bao a ba tswaletsweng Paddan-Arame. ²⁷Jakobo a fihla ho Isaaka, ntatae, Mamre, motseng wa Kiryath-Arba, e leng Hebrone, moo boAbrahama le Isaaka ba kileng ba ahella teng. ²⁸Ditshiu tsa Isaaka ya eba dilemo tse lekgolo le mashome a robileng meno e mmedi. ²⁹Yaba Isaaka o neela moya, a shwa, a orohela setjhabeng sa habo, a tsofetse, a atetswe ke matsatsi; mme Esau le Jakobo, bara ba hae, ba mo epela.