4 A boela a emola, a tswala mora, mme a mo rea lebitso la Onane.
5 A boela a tswala mora hape, a mo rea lebitso la Shela. Juda o ne a le Kesibe, ha eo a tswalwa.
6 Juda a nkela Ere, mora wa hae wa letsibolo, mosadi, lebitso la hae e le Tamare.
7 Ere, mora wa letsibolo wa Juda, e ne e le motho e mobe mahlong a Jehova, mme Jehova a mmolaya.
8 Yaba Juda o re ho Onane: Eya ho mosadi wa moholwane wa hao, o mo kenele, kaha o le ngwanabo monna wa hae, o tsosetse moholwane wa hao leloko.
9 Empa Onane, ka ho tseba hobane bana e ke ke ya eba ba hae, e ne e re ha a eya ho mosadi wa moholwane wa hae, o ne a ithusetsa fatshe, a tle a se ke a fa moholwane bana.
10 Seo a neng a se etsa, sa eba sebe mahlong a Jehova, mme a mmolaya le yena.