11 Ke tla o otla teng, hobane dilemo tsa tlala di sa tla di le hlano; hore o se ke wa fumaneha wena le ntlo ya hao, le ba leng ho wena kaofela.
12 Mme jwale, le bona ka mahlo le Benjamine, moenaka o bona ka mahlo hoba ke molomo wa ka o buang le lona;
13 le tle le bolelle ntate boholo ba ka kaofela kwano Egepeta, le tsohle tseo le di bonang, mme le phakiseng le tlise ntate kwano.
14 Yaba o wela molaleng wa Benjamine, moenae, a lla, mme Benjamine le yena a llela molaleng wa hae.
15 A ba a aka banababo kaofela, a lla le bona; yaba banababo ba buisana le yena.
16 Botumo ba utlwahala ka tlung ya Faro ba hore banababo Josefa ba tlile. Faro le bahlanka ba hae ba itumela.
17 Yaba Faro o re ho Josefa: Bolella banabeno, o re: Etsang hona: belesang dipelesa tsa lona, le tsamaye, le boele naheng ya Kanana,