9 Phakisang le ye ho ntate, le re ho yena: Mora hao, Josefa, o re: Modimo o nkentse morena wa Egepeta yohle; theoha, o tle ho nna, o se ke wa dieha!
10 O tla aha naheng ya Goshene, o be haufi le nna, wena le bana ba hao, le bana ba bana ba hao, le manku a hao, le makgomo a hao, le tsohle tseo o nang le tsona.
11 Ke tla o otla teng, hobane dilemo tsa tlala di sa tla di le hlano; hore o se ke wa fumaneha wena le ntlo ya hao, le ba leng ho wena kaofela.
12 Mme jwale, le bona ka mahlo le Benjamine, moenaka o bona ka mahlo hoba ke molomo wa ka o buang le lona;
13 le tle le bolelle ntate boholo ba ka kaofela kwano Egepeta, le tsohle tseo le di bonang, mme le phakiseng le tlise ntate kwano.
14 Yaba o wela molaleng wa Benjamine, moenae, a lla, mme Benjamine le yena a llela molaleng wa hae.
15 A ba a aka banababo kaofela, a lla le bona; yaba banababo ba buisana le yena.