1 ‘Ou te alofa, auā ‘ua fa‘afofoga mai le ALI‘Ii lo‘u leo ma a‘u ‘ai‘oi.
2 Auā na liliu mai ona fofoga ‘iā te a‘u,o lea ‘ou te vala‘au ai ‘iā te ia i lo‘u olaga.
3 Na si‘omia a‘u i mailei e oti ai;na maua a‘u e puapuagā o le tu‘ugamau;na maua a‘u e le puapuagā ma le fa‘anoanoa.
4 ‘Ona ‘ou vala‘au atu lea i le suafa o le ALI‘I,“Le ALI‘I e,‘ou te ‘ai‘oi atu ‘ia e lavea‘i mai ‘iā te a‘u.”
5 O le ALI‘I o lē alofa fua ma lē amiotonu ia;o lo tatou Atua, e alofa mutimutivale ia.
6 E tausi e le ALI‘I i ē faigofie; sa vaivai a‘u,‘ona fa‘aola mai lea o ia ‘iā te a‘u.
7 Lo‘u agaga e, ‘ia e fo‘i atu i lou mapusaga;auā ‘ua agalelei mai le ALI‘I ‘iā te oe.
8 Auā ‘ua e lavea‘i mai ‘iā te a‘u nai le otio o‘u mata ne‘i tagi ma o‘u vae ne‘i pa‘ū.
9 ‘Ou te savali i luma o le ALI‘Ii nu‘u o tagata ola.
10 Na ‘ou fa‘atuatua, o le mea lea na ‘ou tautala atu ai;“O a‘u nei sa matuā tigāina a‘u.”
11 O a‘u nei sa ‘ou fa‘apea atu i lo‘u popole,“‘Ua pepelo tagata uma lava.”
12 Se a se mea ‘ou te taui a‘i atu i le ALI‘I‘ona o lona agalelei mai uma lava ‘iā te a‘u?
13 ‘Ou te ‘ava‘e le ipu o le olataga,ma ‘ou vala‘au atu i le suafa o le ALI‘I.
14 ‘Ou te avatua i le ALI‘I i luma o lona nu‘u uma lavao mea na ‘ou tautō ai.
15 E silisili i le manatu o le ALI‘Ile oti o ona tagata amio Atua.
16 ‘Ou te ‘ai‘oi atu, le ALI‘I e, o lau ‘au‘auna lava a‘u,o lau ‘au‘auna a‘u nei, o le tama a lau ‘au‘auna fafine.‘Ua e tatala mai i ‘ou noanoaga.
17 ‘Ou te fai le taulaga o le vi‘iga ‘iā te oe,‘ou te vala‘au atu fo‘i i le suafa o le ALI‘I.
18 ‘Ou te avatua i le ALI‘I i luma o lona nu‘u uma lavao mea na ‘ou tautō ai,
19 i lotoā o le fale o le ALI‘I,i totonu lava ‘iā te oe, Ierusalema e.‘Ia ‘outou vivi‘i atu i le ALI‘I.