1 Le ALI‘I e,‘aua ‘e te a‘oa‘i mai ‘iā te a‘u i lou to‘asā;‘aua fo‘i ‘e te sasa ‘iā te a‘u i lou to‘asā tele.
2 Auā ‘ua ō au ū fanafana i totonu ‘iā te a‘u,‘ua mamafa fo‘i lou ‘a‘ao i luga ‘iā te a‘u.
3 E leai se itū o lo‘u tino ‘ua sao ‘ona o lou to‘atama‘i;e leai se filemū i o‘u ivi ‘ona o a‘u agasala.
4 Auā ‘ua o‘o lava a‘u agasala i luga o lo‘u ulu;e pei o se avega mamafa, ‘ua mafatia ai lava a‘u.
5 ‘Ua elosia ‘ou manu‘a;‘ua alu a‘e le alou ‘ona o lo‘u valea.
6 ‘Ua fa‘ano‘uno‘uina a‘u;‘ua ‘ou matuā punou lava i lalo;‘ou te fealua‘i ma le ‘ele‘elea i le aso ‘atoa.
7 Auā ‘ua tigāina lo‘u manava i le ma‘i vevela;e leai se itū o lo‘u tino ‘ua sao.
8 ‘Ua ‘ou matuā vaivai, ‘ua ‘ou momomo lava;‘ou te fa‘ataiō ‘ona o le ōi o lo‘u loto.
9 Le ALI‘I e,o lo‘o i ou luma lo‘u mana‘o uma;e lē lilo fo‘i ‘iā te oe lo‘u mapuitigā.
10 ‘Ua sapotuvale lo‘u fatu manava,‘ua te‘a lo‘u malosi;o le malamalama fo‘i sa i o‘u mata,‘ua lē ‘iā te a‘u lea.
11 ‘Ua tutū mamao au uō ma a‘u aumea mamae i lo‘u malaia;‘ua tutū mamao fo‘i o i latou matou te tuā‘oi.
12 ‘Ua fai mailei o ē sā‘ili ‘ia ‘ou oti;o i latou fo‘i o ē sā‘ili‘ili ‘ia leaga ai a‘uo lo‘o tautala i mea leaga,ma mafaufau i mea fa‘a‘ole‘ole i le aso ‘atoa.
13 Peita‘i a‘u nei,‘ua fa‘apei o se tagata tutuli, ‘ua ‘ou lē lagona;po o sē gūgū, ‘ua lē tautala lona gutu.
14 O a‘u fo‘i e pei se tagata ‘ua lē lagona,e leai fo‘i se ‘upu finau i lona gutu.
15 Auā le ALI‘I e,‘ou te fa‘amoemoe ‘iā te oe;o oe le ALI‘I e, lo‘u Atua, ‘e te tali mai ai.
16 Auā na ‘ou fa‘apea, “Ne‘i latou mitamita mai ‘iā te a‘u;pe a mapeva lo‘u vae latou te fa‘asausili mai ‘iā te a‘u.”
17 Auā o a‘u nei, e toe ‘ina ‘ou pa‘ū‘ua lumana‘i pea ‘iā te a‘u lo‘u tigā.
18 Auā ‘ou te ta‘uta‘uina atu la‘u amio leaga;‘ou te atuatuvale ‘ona o la‘u agasala.
19 A ‘ua tagata ola i latou o ē ita mai ‘iā te a‘u,‘ua malolosi i latou;‘ua fa‘ato‘ateleina o ē ‘ino‘ino fua mai ‘iā te a‘u.
20 O i latou fo‘i o ē taui atu le lelei i le leaga,‘ua latou fai a‘u mo latou fili, auā ‘ou te tausisi i mea lelei.
21 Le ALI‘I e,‘aua ne‘i e tu‘una mai a‘u.Lo‘u Atua e,‘aua ‘e te vāvāmamao ma a‘u.
22 Le ALI‘I e, lo‘u fa‘aolataga,‘ia e fa‘ata‘alise mai e fesoasoani mai ‘iā te a‘u.