1 Le Atua e,lē ‘ou te amiotonu ai,‘ia e tali mai i la‘u vala‘au atu;‘ua e lavea‘iina a‘u nai le puapuagā;‘ia e alofa mai ‘iā te a‘u ma fa‘afofoga mai i la‘u tatalo.
2 O ‘outou le fānau a tagata,tou te faia ma luma lo‘u mamalu se‘ia afea?Tou te loto ‘ea i le mea fa‘atauva‘a?Tou te sā‘ili ‘ea i le pepelo? Selā.
3 ‘Ia ‘outou iloa ‘ua fa‘ailogaina e le ALI‘I le tagata amio Atua mo ia;e fa‘afofoga mai le ALI‘I i la‘u vala‘au atu ‘iā te ia.
4 ‘Ia ‘outou tetemū, ‘aua ne‘i agasala;‘ia ‘outou mānatunatu ifo i o ‘outou loto i luga i o ‘outou moega,ma ‘ia ‘outou fīfīlemū. Selā.
5 ‘Inā fai taulaga ia i taulaga tatau,ma ‘ia ‘outou fa‘alagolago i le ALI‘I.
6 E to‘atele ‘ua fai mai,“O ai ‘ea se fa‘ailoa mai se mea lelei ‘iā te i matou?”Le ALI‘I e, ‘ia e fa‘asaga mai ‘iā te i matou le malamalama o ou fofoga.
7 E tele le fiafia ‘ua e tu‘u i lo‘u loto,‘ae itiiti lo latou i ona po ‘ua fa‘ateleina ai a latou saitoma a latou uaina.
8 ‘Ou te ta‘oto ma ‘ou moe filemū;auā o oe le ALI‘I e,na o oe lava, ‘ua ‘ou nofo ai ma le filemū.