1 Le ALI‘I e,‘ua ‘ou vala‘au atu ‘iā te oe,‘ia vave ‘ona e afio mai ‘iā te a‘u;fa‘afofoga mai i lo‘u leo pe a ‘ou vala‘au atu ‘iā te oe.
2 ‘Ia saunia la‘u tatalo e fa‘apei o le mea manogi e mū i ou luma;o le si‘i i luga o o‘u lima ‘ia pei o le taulaga e fai i le afiafi.
3 Le ALI‘I e,‘ia e tu‘uina se leoleo i lo‘u nei gutu,‘ia e leoleo i le faitoto‘a o o‘u laugutu.
4 ‘Aua ne‘i liliu‘eseina lo‘u loto i se mea leaga,ne‘i ‘ou fai mea leaga ma le agasala fa‘atasima tagata o ē faia amio leaga;‘aua ne‘i ‘ou ‘ai ‘iā latou mea suamalie.
5 ‘Ia fasia mai a‘u e le tagata amiotonu, o le alofa lava lea;‘ia a‘oa‘i mai fo‘i o ia ‘iā te a‘u, o le suāu‘u i lo‘u ulu lea,e lē ‘alo ai lo‘u ulu; auā e fai pea la‘u tatalo i lo latou puapuagā.
6 E lafotūina o latou fa‘amasino i mea gaoā,e fa‘alogo mai fo‘i i latou i a‘u ‘upu;auā e mālie ia.
7 ‘Ua ta‘ape‘ape o matou ivi i le gutu o le tu‘ugamau;e pei o la‘au ‘ua vaevaea ma isi‘isia i le ‘ele‘ele.
8 ‘Ae fa‘asaga o‘u mata ‘iā te oe, le ALI‘I e, le Atua;‘ou te fa‘alagolago ‘iā te oe, ‘aua ne‘i sasa‘aina atu lo‘u ola.
9 ‘Ia e leoleo mai ‘iā te a‘u auā le mailei ‘ua latou tu‘u mo a‘u,ma matāsele a ē faia amio leaga.
10 ‘Ia pa‘u‘ū o ē amio leaga i o latou lava ‘upega,a ‘ia ‘ou saogalemū atu lava a‘u.