1 O le lalolagi ma mea ‘ua tumu ai o a le ALI‘I ia;o le atu laulau ma ē o nonofo ai.
2 Auā o ia lava na fa‘avaeina ai i luga o le sami,ma fa‘amau ai i luga o vaitafe.
3 O ai ‘ea se alu a‘e i le mauga o le ALI‘I?O ai sē tumau i lona afio‘aga pa‘ia?
4 O lē ‘ua i ai lima mamā, ma le loto mamā;o lē ‘ua lē naunau lona loto i le mea fa‘atauva‘a,ma ‘ua lē tautō fa‘a‘ole‘ole.
5 Na te maua le manuia mai i le ALI‘I,ma le amiotonu mai le Atua o lona fa‘aolataga.
6 O le tupulaga lenā e sā‘ili‘ili ‘iā te ia,o ē sā‘ili i fofoga o le Atua o Iakopo. Selā.
7 ‘Inā fa‘aea ia i luga o ‘outou ulu, ‘outou faitoto‘a e;‘ia fa‘aeaina i luga o ‘outou puipui o le fa‘avavau e,se‘i ulu atu ai le Tupu mamalu.
8 O ai ‘ea lenei Tupu mamalu?O le ALI‘I, le malosi ma le fitafita,o le ALI‘I le fitafita i le tau‘a.
9 ‘Inā fa‘aea ia i luga o ‘outou ulu, ‘outou faitoto‘a e;‘ia fa‘aeaina i luga o ‘outou puipui o le fa‘avavau e,se‘i ulu atu ai le Tupu mamalu.
10 O ai ‘ea lenei Tupu mamalu?O le ALI‘I o ‘au,o ia lava le tupu mamalu. Selā.