1 E moni lava, e agalelei mai le Atua ‘iā Isaraelu,o ē ‘ua mamā o latou loto.
2 A o a‘u nei, e toe ‘ina mapeva o‘u vae;e toetoe lava ‘ina se‘e o‘u vae;
3 auā na ‘ou matau‘a i ē vālea;na ‘ou va‘ai i le manuia o ē ‘ua amio leaga.
4 Auā e leai ni o latou puapuagā e o‘o i le oti;a ‘ua puputa pea o latou tino.
5 E lē o‘o ‘iā te i latou puapuagā fa‘atagata ola,e lē pesia fo‘i i latou fa‘atasi ma isi tagata.
6 O le mea lea ‘ua asoa ai i latou i le fa‘amaualuga;o le sauā ‘ua fai ma ‘ofu latou te ‘o‘ofu ai.
7 ‘Ua lūlūlū o latou mata;latou te fa‘asilisili i manatu o le loto.
8 ‘Ua latou tauemu ma ‘ua tautala leaga i le sauā;‘ua latou tautala fa‘amaualuga.
9 ‘Ua ‘upu vale o latou gutu i le lagi;‘ua feoa‘i fo‘i o latou laulaufaiva i le lalolagi.
10 O le mea lea e fo‘i mai ai lona nu‘u ‘i‘inei;e fa‘ainumia fo‘i i latou i le vai e tele.
11 E fa‘apea a latou,“Pe fa‘apefea ‘ona silafia e le Atua?Pe silafia ‘ea e lē Silisili‘ese?”
12 Fa‘auta, o i latou nei o ē amio leaga,ē ‘ua manuia i le olaga nei;e fa‘ateleina o latou ‘oloa.
13 E moni lava, ‘ua ‘ou fa‘amamāfuaina lo‘u loto,ma a‘u fafano o‘u lima ‘ina ‘ua ‘ou lē sala,‘ae fai fua lava.
14 ‘Ua taia lava a‘u i aso fai so‘o,‘ua a‘oa‘iina fo‘i a‘u i taeao uma lava.
15 ‘Āfai ‘ou te fa‘apea ane,“‘Ou te ta‘uta‘u atu fa‘apenā.”Fa‘auta, ‘ona ‘ou fa‘a‘ole‘ole lea i le tupulaga o lau fānau.
16 Na ‘ou mafaufau lava ‘ia a‘u iloa lenei mea;o le mea fa‘atigā lava lea i lo‘u manatu;
17 ‘ua o‘o i le aso na ‘ou alu atu ai i le malumalu o le Atua;‘ona ‘ou iloa ai lea o lo latou i‘uga.
18 E moni lava, na e tu‘uina atu i latou i mea mase‘ese‘e;na e fa‘apa‘ūina atu i latou i mea fa‘atafunaina.
19 Aue! ‘ua fa‘afuase‘i ‘ona fa‘atafunaina o i latou;‘ua fano i latou, ‘ua fa‘aumatia lava ‘ona o mea mata‘utia.
20 E pei o le miti ‘ina o tula‘i se tasi,e fa‘apea fo‘i oe le Ali‘i i lou maleifua,‘e te ta‘ufa‘atauva‘aina lo latou ata.
21 Auā na tigāina ai lo‘u loto;na tuia ai fo‘i lo‘u manatu.
22 O a‘u fo‘i, na fai ai a‘u ma vale ma le lē iloa;‘ua ‘avea a‘u i ou luma e tusa ma le manu vaefā.
23 A o a‘u, e lē aunoa ‘ona tā fa‘atasi ma oe;na e tāofiina lo‘u lima taumatau.
24 ‘E te ta‘ita‘i ‘iā te a‘u i lau pule,‘ae mulimuli ane ‘e te talia mai a‘u i le manuia.
25 O ai ‘ea sē ‘ua ‘iā te a‘u i le lagi?e leai fo‘i se tasi i le lalolagi ‘ou te fiafia i ai, na o oe.
26 E vaivai lo‘u tino ma lo‘u loto, a o le Atua,o le papa ia o lo‘u loto ma lo‘u tofi e fa‘avavau.
27 Auā fa‘auta, e fano lava o ē fa‘amamao ma oe;‘e te fa‘aumatia i latou uma lava o ē ō ‘ese ‘iā te oe e faita‘aga ai.
28 A o a‘u nei, ‘ou te fa‘alatalata atu i le Atua ‘ou te lelei ai;‘ua ‘ou faia le Ali‘i le ATUA ma ‘ou malu,‘ina ‘ia ‘ou ta‘uina atu o au galuega uma.