1 O le Atua, o lo tatou malu ia ma lo tatou malosi;e fai o ia ma fesoasoani silisili i puapuagā.
2 O le mea lea tatou te lē fefefe ai,pe a fa‘aliliuina le lalolagi,ma lūlūina mauga i totonu o le sami;
3 pe a ta‘alili ma sousou ona suāsami,ma fa‘agateteina ai mauga i lona maualuga. Selā.
4 O le vaitafe, e fa‘afiafia ona magāvai i le ‘a‘ai a le Atua,o le mea pa‘ia, o i ai afio‘aga o lē Silisili‘ese.
5 O lo‘o i totonu ‘iā te ia le Atua,e lē fa‘agae‘etia lava ia,e fesoasoani le Atua ‘iā te ia i le vave ao.
6 ‘Ua vāvāō nu‘u ‘ese, ‘ua fa‘agae‘etia mālō;‘ua tulei mai lona si‘ufofoga,‘ona liu suāvai lea o le lalolagi.
7 ‘Ua ‘iā te i tatou le ALI‘I o ‘au;o le Atua o Iakopo o lo tatou ‘olo maualuga ia. Selā.
8 ‘Inā ō mai ia, ‘inā va‘ava‘ai i galuega a le ALI‘I,o lē ‘ua faia fa‘atafunaga i le lalolagi.
9 ‘Ua fa‘ai‘ua e ia o tau‘a e o‘o lava i tulu‘iga o le lalolagi;‘ua gagau e ia le ‘aufana ma vavae le tao;‘ua susunuina fo‘i e ia kariota i le afi.
10 “‘Inā sōia ma ‘ia ‘outou iloa o a‘u lava o le Atua;e vi‘ia a‘u i nu‘u ‘ese, e vi‘ia a‘u i le lalolagi.”
11 ‘Ua ‘iā te i tatou le ALI‘I o ‘au,o le Atua o Iakopo, o lo tatou ‘olo maualuga ia. Selā.