1 ‘Inā patipati ia o ‘outou lima, o ‘outou nu‘u uma lava;‘inā ‘alalaga atu ia i le Atua ma le leo fiafia.
2 Auā e mata‘utia le ALI‘I lē Silisili‘ese;o le Tupu silisili ia i le lalolagi ‘atoa.
3 E fa‘ato‘ilaloina e ia o nu‘u ‘iā te i tatou,ma nu‘u ‘ese i lalo o tatou vae.
4 E filifilia e ia le tofi mo i tatou,o le mea e mitamita ai Iakopo,na ia alofa i ai. Selā.
5 O lo‘o afio a‘e le Atua ma le ‘alaga fiafia,o lo‘o afio a‘e le ALI‘I ma le leo o le pū.
6 ‘Inā pepese atu ia i le Atua,‘inā pepese ia;‘inā pepese atu ia i lo tatou Tupu,‘inā pepese ia.
7 Auā o le Atua, o le Tupu ia o le lalolagi ‘atoa;‘inā pepese atu ia ma le atamai.
8 ‘Ua fai ma tupu le Atua i nu‘u ‘ese;o lo‘o ti‘eti‘e le Atua i lona nofoāli‘i pa‘ia.
9 ‘Ua fa‘atasia ali‘i o nu‘u,i le nu‘u o le Atua o Aperaamo.Auā e ō le Atua talitā o le lalolagi;e matuā silisili ‘ese lava o ia.