1 Le Atua e,‘ia e alofa mai ‘iā te a‘u;auā ‘ua naunau tagata i le fia maua o a‘u;‘ua fa‘asauā mai ‘iā te a‘u,i lona fai tau‘a mai i aso uma lava.
2 ‘Ua naunau mai i aso fai so‘o o ē ‘ua ita mai ‘iā te a‘u;auā e to‘atele o ē fai tau‘a ‘iā te a‘u ma le fa‘asausili mai.
3 O le aso ‘ou te mata‘u ai,‘ou te fa‘atuatua ai ‘iā te oe.
4 ‘Ou te mitamita i le Atua ‘ona o lana afioga;‘ou te fa‘atuatua i le Atua;a ‘ou te lē fefe i se mea,e faia e tagata ‘iā te a‘u.
5 ‘Ua latou fa‘auiga‘ese i a‘u ‘upu i aso uma lava;‘ua fa‘asaga mai ‘iā te a‘u,o latou mafaufau uma lava ‘ia a‘u leaga ai.
6 ‘Ua latou fa‘apotopoto ma ‘ua latou lalafi,‘ua latou va‘ava‘ai i ‘ou tulagāvae;auā ‘ua latou lamalama ‘ia ‘ou oti.
7 Latou te sao ‘ea ‘ona o le amio leaga?Le Atua e,‘ia e lafoina i lalo le nu‘u i lou to‘asā.
8 ‘Ua e faitauina lava lo‘u fesolasolata‘i;‘ia e utu o‘u loimata i lau fagu;e lē o i ai ‘ea i lau tusi?
9 O le aso ‘ou te vala‘au atu ai ‘iā te oe,‘ona liutuaina ai lea o ē ‘ua ita mai ‘iā te a‘u;‘ua ‘ou iloa lenei mea, ‘ua ‘iā te a‘u le Atua.
10 ‘Ou te vivi‘i atu i le Atua ‘ona o lana afioga;‘ou te vivi‘i atu i le ALI‘I ‘ona o lana afioga.
11 ‘Ua ‘ou fa‘atuatua i le Atua;‘ou te lē fefe i se mea e faia e tagata ‘iā te a‘u.
12 Le Atua e,o ‘iā te a‘u mea na ‘ou tautōe avatu ai ‘iā te oe;‘ou te avatu taulaga, fa‘afetai ‘iā te oe.
13 Auā ‘ua e lavea‘iina a‘u nai le oti;‘e te lē fa‘amalosia ‘ea o‘u vae ne‘i tuleia,‘ina ‘ia ‘ou savali i luma o le Atuai le malamalama o ē ola.