1 Le ALI‘I e,‘ia e manatu ‘iā Tavitai ona puapuagā uma lava.
2 O lē na tautō i le ALI‘I,na tu‘uautapu i lē Malosi o Iakopo;
3 sa fa‘apea, “E moni, ‘ou te lē alu i le fale ‘ie o lo‘u fale,pe alu a‘e i lo‘u moega, o le mea e moe ai.
4 ‘Ou te lē mafai ‘ona moe o‘u mata,pe matamoe ‘ou laumata,
5 se‘ia ‘ou maua se mea e afio ai le ALI‘I,o le afio‘aga mo lē Malosi o Iakopo.”
6 Fa‘auta, na tatou fa‘alogo i ai i Efarata;na tatou maua i fanua o i le vao.
7 “Tatou te o lava i ona afio‘aga;tatou te ifo atu i luma o le mea e tu ai ona ‘a‘ao.”
8 Le ALI‘I e,‘ia e tula‘i atu i lou mālōlōga,o oe ma le ‘atola‘au o lou malosi.
9 ‘Ia ‘o‘ofu au ositaulaga i le amiotonu,ma ia ‘alaga fiafia ou tagata amio Atua.
10 ‘Aua le ‘alo ou fofoga i lē ‘ua e fa‘au‘uina,‘ona o lau ‘au‘auna o Tavita.
11 Na tautō le ALI‘I ‘iā Tavita i le fa‘amaoni,e lē ‘alo ‘ese ai o ia,“‘Ou te fa‘anofoina i lou nofoāli‘iso le fānau a lou tino.
12 ‘Āfai e tausi au fānau i la‘u feagaigama a‘u tulafono ‘ou te a‘oa‘oina ai i latou,‘ona nonofo lea o la latou fānaui lou nofoāli‘i e fa‘avavau lava.”
13 Auā ‘ua filifilia Siona e le ALI‘I;‘ua finagalo lava i ai e fai mōna afio‘aga.
14 “O lo‘u mālōlōga lenei e fa‘avavau;o le mea nei ‘ou te nofo ai,auā ‘ua ‘ou mana‘o ai.
15 ‘Ou te matuā fa‘amanuia ana mea e ‘ai;‘ou te fa‘amā‘o‘ona ona tagata matitiva i le areto.
16 ‘Ou te fa‘a‘ofuina ana ositaulaga i le olataga;e ‘alalaga fo‘i ma le ‘oli‘oli ona tagata amio Atua.
17 ‘Ou te fa‘atupuina ai le nifo mo Tavita;‘ua ‘ou saunia le lamepa mo lē ‘ua ‘ou fa‘au‘uina.
18 ‘Ou te fa‘a‘ofuina o ē ita ‘iā te ia i le mā;‘ae pupula mai lona paleali‘i i luga ‘iā te ia.”