1 Le Atua e,‘ia e avatua au fa‘amasinoga i le Tupu,ma lau amiotonu i le alo o le Tupu.
2 E fa‘amasino e ia lou nu‘u i le amiotonu,e fa‘amasino fo‘i ma le tonu ou tagata ‘ua puapuagātia.
3 E fua mai mauga le manuia mo le nu‘u,ma mauga iti e fua mai i le amiotonu.
4 E fa‘amasino e ia o ē puapuagā o le nu‘u;e fa‘aolaina fo‘i e ia le fānau a ē ‘ua matitiva,‘ae fa‘amomomoina e ia o lē ‘ua fa‘asauā.
5 E matata‘u lava tagata ‘iā te oe,a o tumau le lā ma le masina,i lea tupulaga ma lea tupulaga.
6 E alu ifo ia e pei o le timu i le mutia ‘ua seleseleina,e pei o timuga, e susū ai le ‘ele‘ele.
7 O lana nofoa‘iga e tupu olaola mai ai lē ‘ua amiotonu;e manuia tele ai, se‘ia leai se masina.
8 E pule fo‘i o ia e pau mai i le tasi sami e o‘o atu i le tasi sami;e pau mai le vaitafe e o‘o atu i tulu‘iga o le lalolagi.
9 E ifo fo‘i i ona luma o ē nonofo i le nu‘u naumati,e etoeto i le ‘ele‘ele o ē ita ‘iā te ia.
10 O tupu o Tasesa, ma nu‘u tu matāfagalatou te avane mea alofa;o tupu o Seepa ma Sepalatou te avane mea foa‘i fua.
11 E ifo lava ‘iā te ia o tupu uma lava;e ‘au‘auna ‘iā te ia o nu‘u uma.
12 Auā e lavea‘i e ia o lē mativa i lona ‘alaga mai;‘atoa ma lē ‘ua puapuagātia ma lē ‘ua leai sona fesoasoani.
13 E alofa atu ia i lē ‘ua vaivai ma lē ‘ua mativa;e fa‘aola lava e ia ē ‘ua matitiva.
14 E lavea‘i e ia ‘iā i latou a‘i le sauā ma le fa‘amālō;e silisili fo‘i o latou toto i lona manatu.
15 E soifua lava ia,e avatua fo‘i ‘iā te ia ni auro mai Seepa;e lē aunoa ona talosia o ia;e fa‘afetaia o ia i aso uma lava.
16 E taumafa o saito i le nu‘ui tumutumu lava o mauga;e gasē ona fua e pei o Lepanona;e fuga mai fo‘i tagata o le ‘a‘aie pei o le vao i le lau‘ele‘ele.
17 E fa‘avavau lava lona suafa;e tumau pea lona suafa a o i ai le lā;latou te fa‘a‘amu‘ia i latou ‘ona o ia;e fa‘a‘amu‘ia o ia e nu‘u uma lava.
18 ‘Ia fa‘afetai le ALI‘I le Atua, o le Atua o Isaraelu,na o ia lava na te faia vāvega.
19 ‘Ia vi‘ia lava lona suafa mamalu e fa‘avavau lava;‘ia tumu fo‘i le lalolagi uma i lona mamalu.Amene ma Amene.
20 ‘Ua fa‘ai‘uina tatalo a Tavita le atali‘i o Iese.