1 Le ALI‘I e,‘ia e fa‘afofoga mai i a‘u ‘upu,‘ia e silafia mai le ōi o lo‘u loto.
2 Lo‘u Tupu e, ma lo‘u Atua,‘ia e fa‘afofoga mai i le leo o la‘u ‘alaga,auā ‘ou te talotalo atu ‘iā te oe.
3 Le ALI‘I e,e fa‘afofogaina e oe lo‘u leo i le taeao;o le taeao ‘ou te sauni atu ai la‘u tatalo ‘iā te oe,ma ‘ou va‘ava‘ai.
4 Auā o oe, ‘e te lē se Atua e fiafia i le amio leaga;e lē mau fa‘atasi ma oe lē ‘ua fai mea leaga.
5 E lē tutū i ou luma o ē fa‘amaualuluga;‘ua e ‘ino‘ino ‘iā i latou uma o ē fai amio leaga.
6 E fano ‘iā te oe o ē tala pepelo;e matuā ‘inosia e le ALI‘I le tagata ‘ua totolima ma le tau‘ole‘ole.
7 ‘Ae peita‘i a‘u nei, o le tele o lou alofa,‘ou te alu atu ai i lou fale,‘ou te ifo i lou malumalu pa‘iama le mata‘u ‘iā te oe.
8 Le ALI‘I e, ‘ia e ta‘ita‘i mai ‘iā te a‘u i lau amiotonu,‘ona o ē ita mai ‘iā te a‘u;‘ia e fa‘asa‘o i o‘u luma lou ala.
9 Auā e leai se fa‘amaoni i o latou gutu;o latou loto fo‘i, ‘ua matuā leaga;‘ua se tu‘ugamau ‘ua fa‘amaga o latou fa‘aī;‘ua fa‘aoleole i latou i o latou laulaufaiva.
10 Le Atua e, ‘ia e fa‘asalaina i latou;‘ia pa‘u‘ū i latou ‘iā latou lava taupulepulega;‘ia e tuli‘esea i latou ‘ona o le tele o latou solitulafono;auā ‘ua latou fouvale ‘iā te oe.
11 A ‘ia fiafia i latou uma o ē fa‘atuatua ‘iā te oe;‘ia latou ‘alalaga fiafia e fa‘avavau,auā ‘e te fa‘amamaluina i latou;‘ia ‘oli‘oli fo‘i ‘iā te oe o ē alolofa i lou suafa.
12 Auā o oe, le ALI‘I e, ‘e te fa‘amanuia i lē ‘ua amiotonu;e puipuia o ia e oe i le alofa, e pei o le tali pupuni.