1 ‘Ua fai le ALI‘I ma tupu; ‘inā ‘oli‘oli ia le lalolagi;‘ia fiafia le vao nu‘u o tu matāfaga.
2 ‘Ua si‘osi‘omia o ia i ao ma le pogisā;o le amiotonu ma le fa‘amasinoga o lo‘o tumau ai lona nofoāli‘i.
3 ‘Ua muamua i ona luma le afi,e susunu fa‘ata‘ali‘oli‘o ai i ē ‘ua ita ‘iā te ia.
4 O ona uila ‘ua malamalama ai le atu laulau;‘ua iloa e le lalolagi, ‘ona gatete ai lea.
5 ‘Ua liu suāvai mauga e pei o le pulu, i luma o le ALI‘I,i luma o le Ali‘i o le lalolagi uma.
6 O lo‘o fa‘aali mai e le lagi lana amiotonu,o lo‘o iloa atu fo‘i e nu‘u uma lona mamalu.
7 ‘Ia mamā i latou uma o ē ‘au‘auna i tupua ‘ua ta,o ē ‘ua mitamita i tupua;‘outou atua uma e, ‘ia ‘outou ifo atu ‘iā te ia.
8 ‘Ua fa‘alogo Siona ‘ona ‘oli‘oli lea o ia;e fiafia tama fafine a Iuta ‘ona o au fa‘amasinoga le ALI‘I e.
9 Auā o oe le ALI‘I e, e sili lava oe i le lalolagi uma;e matuā silisili ‘ese lava oe i atua uma lava.
10 ‘Outou e ‘ua alolofa atu i le ALI‘I,‘ia ‘outou ‘ino‘ino i mea leaga;o lo‘o tausi o ia i agaga o ona tagata amio Atua;na te lavea‘iina i latou a‘i lima o ē amio leaga.
11 ‘Ua lūlūina le malamalama mo lē amiotonu,‘ua lūlūina fo‘i lē ‘oli‘oli mo ē ‘ua loto fa‘amaoni.
12 ‘Outou ē ‘ua amiotonu, ‘ia ‘outou fiafia i le ALI‘I;‘ia ‘outou vivi‘i pe a manatua lona pa‘ia.