1 ‘Ua iloa le Atua i Iuta;‘ua silisili lona suafa i Isaraelu.
2 ‘Ua i Salema fo‘i lona fale apitaga;‘ua i Siona fo‘i lona afio‘aga.
3 Na ia gauia i lea mea o ū fanafana mū,o le talitā, le pelu ma le tau‘a. Selā.
4 E pupula mai oe, e silisili,e sili i mauga o i ai mea e saeia.
5 O ē loto tetele ‘ua vetea a latou mea;‘ua latou momoe i o latou moe;e leai fo‘i so latou o ē malolosi‘ua maua o latou lima.
6 Le Atua o Iakopo e,o le a‘oa‘iga mai ‘iā te oe‘ua moe gagase ai le kariota ‘atoa ma le solofanua.
7 O oe e mata‘utia lava oe;o ai fo‘i sē tu atu i ou luma i ona po‘e te to‘asā mai ai?
8 ‘Ua lagona atu mai ‘iā te oe mai le lagi le fa‘amasinoga;‘ua matata‘u ai le lalolagi ma fīfīlemū,
9 ‘ina ‘ua tula‘i le Atua e fa‘amasino ai,e fa‘aola ai i ē puapuagātia uma lava o i le lalolagi. Selā.
10 Auā o le ita tele o tagata e vi‘ia ai oe;‘e te tāofia fo‘i le toe ita.
11 ‘Ia ‘outou tautō atu i le ALI‘I lo ‘outou Atua,ma ‘ia avatua ana mea;o i latou uma o ē vagavagai ‘iā te ia,‘ia latou avatu mea alofa i lē ‘ua mata‘utia.
12 E fa‘amaulaloina e ia o loto o ali‘i;e mata‘utia o ia e tupu o le lalolagi.