1 Na ‘ou fiafia ‘ina ‘ua latou fai mai ‘iā te a‘u,“Tatou te ō i le fale o le ALI‘I.”
2 Ierusalema e, e tutū o matou vaei ou faitoto‘a.
3 ‘Ua atiina a‘e Ierusalema pei o le ‘a‘ai‘ua feso‘ota‘i fa‘atasi.
4 E ō a‘e ai o itū‘āiga,o itū‘āiga lava o le ALI‘I,o le tulafono lea ‘iā Isaraelu,‘ina ‘ia vivi‘i atu ai i le suafa o le ALI‘I.
5 Auā ‘ua tu ai nofoāli‘i e fa‘amasino ai,o nofoāli‘i o le ‘āiga o Tavita.
6 ‘Ai‘oi atu ‘outou ‘ina ‘ia manuia Ierusalema:“‘Ia manuia i latou o ē alolofa ‘iā te oe.
7 ‘Ia i ai le manuia i totonu o ou pā,o le manuia i totonu o ou maota.”
8 ‘Ona o o‘u uso ma a‘u aumea mamae,‘ou te fa‘apea atu ai lava,“‘Ia ‘iā te oe le manuia.”
9 ‘Ona o le fale o le ALI‘I lo tatou Atua,‘ou te sā‘ili ai le manuia mo oe.