1 O le ‘upu a le solitulafono ‘ua i le tagata amio leaga,o lo‘o i totonu o lo‘u loto lea;e leai lava sona mata‘u i le Atua.
2 Auā o lo‘o fa‘aoleole o ia ‘iā te ia lava,‘ina ‘ia iloa ana agasala ‘ia ‘inosia ai.
3 O ana ‘upu o le agasala ia ma le fa‘a‘ole‘ole,‘ua tu‘ua e ia le fa‘autauta ma le amio lelei.
4 O lo‘o mafaufau o ia i le amio leaga i luga o lona moega;‘ua ia tumau i le ala e lē lelei;na te lē ‘ino‘ino i le leaga.
5 Le ALI‘I e,o i le lagi lou alofa;‘ua o‘o lava i ao lou fa‘amaoni.
6 E pei o le atu mauga o le Atua lau amiotonu;o le moana sausau au fa‘amasinoga.Le ALI‘I e,‘ua ola ‘iā te oe tagata ‘atoa ma manu.
7 Le Atua e,e ma‘eu lava lou alofa,o le mea lea ‘ua fa‘atuatua ai tagata i le paolo o ou ‘apa‘au.
8 E malilie i latou i mea lololo ‘ua i lou fale;‘e te fa‘ainumia fo‘i i latou i le vaitafe o au mea fa‘afiafia.
9 Auā o lo‘o ‘iā te oe le puna o le ola,o lou malamalama matou te iloa ai le malamalama.
10 ‘Ia e fa‘afualoa lou alofa i ē ‘ua iloa oe,ma lau amiotonu i ē ‘ua fa‘amaoni o latou loto.
11 ‘Aua ne‘i o‘o ‘iā te a‘u le vae o lē fa‘amaualuga;‘aua fo‘i ne‘i tuli‘eseina a‘u e lima o ē ‘ua amio leaga.
12 ‘Ua pa‘u‘ū ē ‘ua fai amio leaga i lea lava mea;‘ua tuleia lava i latou,‘ua lē toe mafai ai ‘ona tutū i luga.