1 ‘Ia ‘outou vivi‘i atu i le ALI‘I.‘Ia ‘outou pepese i le ALI‘I i le pese fou;pepese i lona vi‘iga i le fa‘apotopotoga a ona tagata amio Atua.
2 ‘Ia fiafia Isaraelu i lē na faia i latou;‘ia ‘oli‘oli le fānau a Siona i lo latou Tupu.
3 ‘Ia latou vivi‘i atu i lona suafa ma le siva,‘ia latou fai pesega ‘iā te ia i le topa ma le kitara.
4 Auā o lo‘o fiafia le ALI‘I i lona nu‘u;e fa‘amatagofie e ia i le olataga ē ‘ua agamalū.
5 ‘Ia ‘oli‘oli i le mamalu ē ‘ua amio Atua;‘ia latou ‘alalaga fiafia i o latou moega.
6 ‘Ia i ai i o latou gutu o fa‘ane‘ene‘ega i le Atua;‘ia i ai fo‘i i o latou lima le pelu e fa‘atau ma‘ai itū;
7 ‘ina ‘ia faia le taui ma sui i nu‘u ‘ese,o le a‘oa‘iga i nu‘u;
8 ‘ina ‘ia noanoatia o latou tupu i maea u‘amea,ma o latou ali‘i mamalu i noataga u‘amea;
9 ‘ina ‘ia faia ‘iā i latou o le fa‘amasinoga ‘ua tusia.‘Ua i ona tagata amio Atua uma lava lenā mamalu.‘Ia ‘outou vivi‘i atu i le ALI‘I.